Түркістан қаласынада діни алауыздықты немесе араздықты тудыруға бағытталған экстремистік идеяларды жақтаушы адамдар санын азайту бойынша ауқымды жұмыстар жүргізілуде. Бұл жұмыстар Қазақстан Республикасында діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламалардың нысаналы индикаторларын орындау мақсатында жүзеге асырылуда.
Айта кетейік, Түркістан қалалық ішкі саясат бөлімі және Түркістан облысы дін істері басқармасының «Дін мәселелерін зерттеу орталығы» КММ-нің теолог мамандары бірлесе отырып, деструктивті діни ағым өкілдерін (ДДА өкілдерін) дәстүрлі діни бағытқа қайтару мақсатында жеке кездесулер өткізіп тұрады. ДДА өкілдерімен кездесу Түркістан облысы дін істері басқармасымен келісіп, Түркістан қаласы әкімімен бекітілетін арнайы желілік кестесімен ұйымдастырылуда. Жеке кездесуге Дін мәселелірін зерттеу орталығы мамандарымен бірлесе отырып, аптасына 1 рет, ішкі саясат бөлімінің мамандары аптасына 3 рет кездесу өткізіліп тұрады. Мәселен, 1 айда жалпы 20-ға жуық өзге діни өкілдерімен кездесу ұйымдастырылып, түсіндірме жұмыстары жүргізіледі.
Сондай-ақ, Түркістан қаласында аумағында терроризм актілеріне ден қою, сонымен қатар, терроризм салдарын барынша азайту және (немесе) жою дайындығының деңгейі бойынша да тұрақты жұмыстар жүргізіліп тұрады. Атап айтқанда, әлеуметтік желілерде (фейсбук, инстаграм) парақшаларында теріс діни ағым жолдарын алдын-алу мақсатындағы материалдар, жергілікті баспа беттерінде мақалалар шығарылып отырады. Оның ішінде ішкі саясат бөлімі мамандары тарапынан, сондай-ақ дін мәселелерін зерттеу орталығы ұсынған үгіт-насихат материалдары жергілікті БАҚ беттерінде жарыққа шығарылуда.
