Түркістан қаласында қылмысқа қарсы күрес жөніндегі іс-шаралар өз кезегімен орындалып жатыр. Оның ішінде діни экстремизм мен терроризмге де көңіл бөлінуде. Осы бағытта Түркістанда терроризмге қарсы күрес, құқық бұзушылық профилактикасы және сыбайлас жемқорлыққа қарсы жұмыстарының тиімділігі, сондай-ақ оны жетілдіру жолдары мен проблемалық мәселелерді шешу бойынша мәжілістер, кездесулер, іс-шаралар өтуде. Оның ішінде жастардың діни экстремизм мен терроризмге қарсы иммунитетін қалыптастыру және интернет кеңістіктердегі қауіпті ақпараттық материалдардан сақтандыру, қарсы насихаттық шараларды күшейту бағытында тақырыптар қозғалуда. Сан түрлі ой-пікірлер айтылып, қатысушы тараптар тәжірибелерімен бөлісіп жатыр.
Түркістан қаласының жас белсенді тұрғыны Ерғали Достаевтың айтуынша,
«Бұл – біздің еліміздегі, оның ішінде қаламыздағы бейбітшілік пен тұрақтылыққа шабуыл. Бұл – біздің мемлекеттігіміз бен азаматтық кемелдігіміздің мықтылығының сынға түсуі. Біз діни радикализм мен экстремизмнің пайда болуын бейтараптандыру мақсатында заңдарымызды жетілдіруіміз керек. Сонымен қатар, Түркістан қаласының тұрғындарына, соның ішінде жастарымызға бұл мәселенің ара жігін ажыратып көрсетуіміз керек. Біз терроризмге қарсы заңдарды да жетілдіруге тиіспіз. Мемлекет қайдан бой көтерсе де, радикализм мен экстремизмнің жолын кесу керек. Біз қоғамда, әсіресе, жастар арасында діни экстремизм профилактикасын күшейтуіміз керек. Халық жаһандық қауіпсіздікті нығайту ісінде маңызды роль атқаратындығын және халықаралық терроризмге, экстремизмге және есірткінің заңсыз айналымына қарсы күресте әлемдік қауымдастықты қолдау керек екендігін Түркістан қаласының халқына толығырақ түсіндіру үшін түсіндірме жұмыстары жүргізілу керек деп ойлаймын. Діни экстремизм қаупі ерекше алаңдаушылық тудырып отырғандығы анық», дейді жас қала тұрғыны.
