Түркістан қаласы көпсалалы индустриялды техникалық колледжінде сыбайлас жемқорлықтың алдын алу мақсатында түсіндіру жұмыстары болып өтті. Жиын ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаментінің тапсырмасы аясында ұйымдастырылғанын айта кетейік. Жиынның мақсаты – жастардың арасында сыбайлас жемқорлыққа қарсы мәдениетті қалыптастыру, патриотизм, елін жерін сүйетін, саналы да адал азамат тәрбиелеу. Кездесуге колледждің жастар ұйымының инспекторлары мен педагог-психолог және облыстық жастар ресурстық орталығының қызметкерлері қатысты.