Бүгінде рухани астанамыз, облыс орталығы – Түркістан қаласы әкімдігіне қарасты мекемелерде 125 мемлекеттік және 87 келісімшарт негізінде қызметкер жұмыс істейді. Әкімдік жанындағы сыбайлас жемқорлыққа қарсы күрес мәселелері жөніндегі комиссия жұмыстарына қала әкімі аппаратының заң бөлімі жауапты екенін айта кетейік. Аталған бөлім комиссия жұмысын жүргізіп, хатшылық етіп отырады. Сондай-ақ, бұл бөлім облыстық сыбайлас жемқорлыққа қарсы іс-қимыл мәселелері жөніндегі комиссия отырысы хаттамалық тапсырмаларының орындалуы бойынша тұрақты түрде облыстық әкімдігіне ұсыныстар жолдап отырады.
Сонымен қатар, Түркістан қаласының әкімдігі жанындағы құқық бұзушылық профилактикасы комиссия бойынша жұмысын жүргізіп, хатшылық ету міндетінде.
Жыл басында Түркістан қаласы әкімінің тапсырмасына сәйкес қала әкімі аппараты басшысының төрағалығымен ҚР «Сыбайлас жемқорлыққа қарсы іс-қимыл туралы» Заңының және ҚР «Әдеп кодексі» талаптарын түсіндірме жасау мақсатында қала әкімдігінің барлық дербес бөлімдерінің мемлекеттік қызметкерлері қамтылып, мәжіліс өткізілді.
Сондай-ақ, қала әкімі Нұрбол Тұрашбековтің төрағалығымен қала әкімдігі жанындағы сыбайлас жемқорлыққа қарсы күрес жөніндегі комиссияның мәжілісі өтті. Жиында екі мәселе қаралды. Атап айтсақ, денсаулық сақтау, полиция және мемлекеттік кірістер органдары салаларындағы сыбайлас жемқорлыққа қарсы атқарылған жұмыстар сараланды.
Екінші мәселе – Түркістан қаласындағы құрылыс нысандарына мемлекеттік сатып алуды өткізу барысы талқыланды. Комиссия отырысында берілген хаттамалық тапсырма тиісті мекемелерге
Бұдан бөлек, Түркістан қаласы тұрғындарының арасында сыбайлас жемқорлықты алдын алу бойынша насихаттау жұмыстары жоспарлы түрде тұрақты жүргізілуде. 2022 жылға бекітілген кестеге сәйкес, 50 мекеме ұжымдары мен білім беру ошақтарында түсіндірме жұмыстары өткізілді. Жалпы бұл жиындарға 1000-ға жуық адам қатысты.
2022 жылы сыбайлас жемқорлыққа қарсы іс-қимылдар бойынша Түркістан қаласында жұмыс жүргізіп жатқан бұқаралық ақпарат құралдарында, оның ішінде газет беттерінде 30, телеарналардан 8 және әлеуметтік желілерде жалпы саны 50 материалдар жарық көріп, сюжеттер көрсетілді.
