Түркістан қаласында “2021-2025 жылдарға арналған кәсіпкерлікті дамыту жөніндегі ұлттық жоба” аясында көрсетілетін жұмыспен қамтудың белсенді шаралары жүріп жатыр. Осыған орай қала әкімдігі аталған жобаға қатысуға шақырады.
“ЖАСТАР ПРАКТИКАСЫ” арқылы ЖОО және колледждерді бітіруші түлектерді және диплом алғанына 3 жыл толмаған 29 жасқа дейінгі жұмыссыз жастарды өз мамандығы бойынша жұмысқа орналасады. Мемлекет тарапынан 30 АЕК мөлшерінде жалақы төленеді. 12 ай жұмыс атқарып өзіне қажетті жұмыс тәжірибесін жинақтай алады.
“АЛҒАШҚЫ ЖҰМЫС ОРНЫ” бағдарламасына еңбек өтілі жоқ, зейнетақы қорына төлем жарнасы мүлдем жүргізілмеген, 29 жасқа дейінгі азаматтар жұмыспен қамтылады (диплом маңызды емес).
18 ай жұмыс атқара алады. 30 АЕК мөлшерінде жалақы субсидиялауды мемлекет өз мойнына алады.
“КҮМІС ЖАС” жобасы арқылы зейнеталды жастағы жұмыссыз азаматтарды жұмысқа орналастыру бағытталған.
Аталған бағдарламаға 1 жылдан астам жұмыссыздық кезеңі бар зейнеткерлік жас алдындағы жұмыссыз азаматтар қатыса алады.
12 ай бойы жұмыспен қамтыла аласыз.30 АЕК көлемінде жалақы төлеуді мемлекет өз мойнына алады.
