Түркістан қалалық полиция басқармасының басшысы, полиция подполковнигі Бауыржан Жанаев қаламыздағы мешіт имамдарымен кездесті. Жиынға Түркістан қаласы әкімінің орынбасары Ерлан Күзембаев, Түркістан облыстық ақсақалдар кеңесінің төрағасы Жарылқасын Әзіретбергенов және қаламыздағы мешіт имамдары қатысты.
Кездесудің мақсаты – дін өкілдерінің қоғам алдындағы міндеттері, жамағатты жақсылыққа шақырып, жамандықтан қайтарып, елді бірліккке, жасөспірімдер арасында құқық бұзушылықтың алдын алу, тазалыққа шақыруда және қоғамдық істерде белсенділік танытуын арттыру болатын.
«Діни ахуал әрқашан біздің басты назарымызда болуы шарт. Бұл өте нәзік тақырып. Осы ретте қаламыздың жастары арасында уағыз, үгіт- насихат жұмыстарын жүргізу, жастарды патриоттыққа тәрбиелеу, қылмыстың алдын алу, қауіпсіз қала қалыптастыру жолында бірлесе жұмыс атқару мәселелерін талқылау», – деді Бауыржан Жанаев.
Сондай-ақ, жиында ұлтаралық қақтығыстар мен жанжалдарды болдырмау, сексуалды сипаттағы қылмыстардың алдын алу жұмыстары да әңгімеге арқау болды.
Айта кетейік, Түркістан қаласы рухани орталық имиджін қалыптастыруда имамдардың алар орны ерекше. Осы орайда Түркістан қаласында Қазақстан Мұсылмандар Діни Басқармасына қарасты 32 мешіт пен 16 намазхана жұмыс істейді. Қазіргі таңда қала бойынша онда 31 имам қызмет атқаруда. Имамдардың басым көпшілігі Алматы қаласындағы Имамдардың білімін жетілдіру институтын тәмамдаған.
Кездесуде қаламыздағы мешіттер мен намазханаларды қайта тіркеу жұмыстарын жандандыруды қолға алып, қаламыздағы мешіт имамдарының шешендік өнерін сөз саптауларын дамыту мақсатында түрлі шаралар, байқаулар ұйымдастыру шаралары пысықталды.
Сондай-ақ қаламыздың жастары арасында уағыз, үгіт насихат жұмыстарын жүргізу, жастарды патриоттыққа тәрбиелеу жолындарын бірізділікке келтіру мәселелері қарастырылды.
Сонымен қатар, Қазақстан Мұсылмандар Діни Басқармасының Түркістан қалалық өкілдігі мен қала әкімдігі тарапынан өткізілетін бірлескен іс-шараларда белсенділік таныту бойынша сөз қозғалып, әңгіме өрбіді.
Түркістан қаласы рухани орталық имиджін қалыптастыруда имамдарымыздың алар орны ерекше. Осы орайда, имамдарымыздың қоғам алдындағы міндеттері; жақсылыққа шақырып, жамандықтан қайтарып қоғамдық істерде белсенділік танытуы керек.
«Қоғамдағы рөлдеріңізді кеңінен әрі дұрысынан пайдаланып, үгіт-насихат жұмыстарын кеңінен таратсақ, әсіресі ұлт аралық жағдайларда сексуалды сипаттағы қылмыстар көбейіп жатыр. Қаламыздың қауіпсіз қала болуына үлестерімізді қоссақ, қаламыздағы мешіттер мен намазханаларды қайта тіркеу жұмыстарын жандандыруды қолға алып, қаламыздағы мешіт имамдарының шешендік өнерін сөз саптауларын дамыту мақсатында түрлі шаралар, байқаулар ұйымдастыруымыз керек» , – деді қаланың бас полицейі.
