Бүгін Түркістан қаласының әкімі Нұрбол Тұрашбеков қаладағы көшелерді аралап, тапсырмалардың орындалуын тексерді.
Бөлім басшылары мен мердігерлер атқарылған жұмыс туралы мәлімет ұсынып, жоспарлы мерзімде жұмысты сапалы аяқтауға күш салатындарын жеткізді.
2021 жылы Түркістан қаласының аумағында 286,4 шақырымды құрайтын 300 топырақ жолды көше бар еді. Жыл ішінде соның 159 шақырымына тас төселді.
2022 жылдың ақпан айында қалған топырақ жолдарға тас төсеу басталды. Қазіргі таңда, Тұран мөлтек ауданында жұмыс қарқынды. Т.Айменов көшесі мен Майкотов көшесінің аралығына да осы айда тас төсеу жоспарланған.
Сонымен қатар, қазіргі таңда, 50 аялдама орны нақтыланды. Ауа райы қолайлы болған кезден аялдамалар орнатыла бастайды. Жыл ішінде 100 аялдама орнату көзделуде.
