Түркістан облысы Арыс қаласы «Ішкі саясат бөлімі» ММ «Жастар ресурстық орталығы» КММ-нің ұйымдастыруымен және Арыс қаласының «Ұлттық және жекпе-жек түрлері аула клубы» КММ-мен бірлесе отырып, жастар арасында «Көшпенділер ойыны» атты спорттық сайыс өткізілді.

Сайыстың мақсаты – жастар арасында қазақ халқының ұлттық ойынын салт-дәстүрін,әдет-ғұрпын дәріптеу, туған жерге өз Отанына деген сүйіспеншілік сезімдерін арттыру, ұлттық ойындардың мәнін жастарды белсенділікке, тапқырлыққа, дәлдікке көрегенділікке және күштілікке тәрбиелеу болатын.

Аталған спорттық сайысқа қала жастарынан 6 команда өнер көрсетіп өз бақтарын сынады. Командалар жарысқа 5 түрінен яғни жамбы ату,теңге ілу, аударыспақ,арқан тартыс және асық ату секілді спорт түрлерінен өнер көрсетті.

Сайыс қорытындысында 6 топтың ішінде 3 команда үздік өнер көрсетіп, жүлделі орындарға ие болды. Олар: І орын – «Барыс», ІІ орын – «Жалын» және ІІІ орын – «Сұңқар». Жеңімпаз топ мүшелері арнайы алғыс хатпен марапатталып, жүлделі сыйлықтар үлестірілді.