Мәжілісі және мәслихаттар депутаттарының кезектен тыс сайлауы науқанында Арыс қаласындағы мүгедектігі бар жандар өз таңдауын жасап дауыс беруде. Мәселен, Арыс қалалық мүгедек жандар қоғамдық бірлестігінің төрағасы, екі жанарынан айрылған Серік Құдайқұлов №9 сайлау учаскесіне таң сәреде келіп, дауыс берді. Олар азаматтық міндетін үйде отырып орындаудан бас тартып, сайлау учаскілеріне келіп жатыр.
Арбамен жүретін адамдар кедергісіз қимылдау үшін барлық сайлау учаскесінде босағасы кең арнайы кабиналар орнатылған. Барлық сайлау учаскілерінде зағип жандарға арналған аудио бюллетеньдер бар. Олар үміткерлердің тізімін қағаз бетін қолмен сипап оқи алады. Ал есту қабілетінде ақауы бар жандарға сурдоаудармашылар көмек қолын созып отыр.
«Осыған дейінгі сайлау науқандарынан қалған емеспіз. Қазір мүгедектігі бар жандарға қатынауында кедергі жоқ. Барлық жерде пандустар бар. Біздің қоғамдық бірлестікке мүше азаматтардығ барлығы бүгін сайлау учаскілеріне келуге бекініп отыр» – дейді сайлаушы.
Айта кетейік, Арыс қаласына қарасты 34 сайлау учаскесі бар. Арыс қаласы бойынша сайлаушылардың жалпы саны 44 278 адам болса, оның 2481 мүгедектігі бар азаматтар.
