Ұлы Отан соғысының 80-жылдығы қарсаңында Елімізге Жеңіс сыйлаған соғыс ардагерлері мен тыл еңбеккерлеріне алғысымызды білдіру мақсатында Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Түркістан облысы бойынша департаменті Түркістан қаласының Жеңіс саябағындағы Даңқ мемориалы ескерткішіне гүл шоқтарын қою рәсімін өткізді.
Сондай-ақ, Департамент бастығы атынан 98-жасқа келген Ұлы Отан соғысының ардагері Бадан Төребаевқа құттықтау хаты және естелік сыйлықтар табысталды.
Бадан Төребаев 1924 жылы дүниеге келген. 1944 жылы 15 қазанда шақыртумен әскерге аттанып, 4 ай әскери дайындықтан өткен соң, Белоруссиядан бастап Берлинге дейінгі қан майдандарда шайқасқан.
Майдангер ауыр шайқаста көзге түсіп, «Ерлігі үшін» медалімен марапатталған. Сондай-ақ І-ші дәрежелі «Ұлы Отан Соғысы» орденімен, 2 рет «Ерлігі үшін», «Берлинді алғаны үшін», «Германияны жеңгені үшін» медальдарымен наградталған.
Елге 1950 жылы қарашада оралып, Кентау қаласындағы «Мырғалымсай» кенішінде ұзақ жылдар бойы қызмет атқарып, зейнетке шықты. Ол 2 ұл, 3 қызынан 14 немере, 31 шөбере, 2 шөпшек сүйген бақытты ардагер.
Бадан Төребаев Департамент ұжымына алғысын білдіріп, елімізге тыныштық пен бейбіт өмір тіледі.
Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Түркістан облысы бойынша департаменті
