Бүгін аудан әкімі Мұхит Сексенбайұлы Түркістан облысының IV спартакиадасында волейболдан чемпион болған Созақ ауданының құрама командасын қабылдады.
«Командалық спорттан жеңімпаз болған аудан құрамасына ризашылығымды білдіремін. Соңғы уақытта спортшыларымыз, табысты өнер көрсетіп жүр. Алдағы уақытта да жеңістеріңізбен қуантады деп сенемін»,- деді аудан басшысы.
Команда мүшелеріне алғыс хат беріп, сый- сияпат табыстады. Созақ құрама командасының капитаны Даурен Көкенов, спортшыларды қабылдап, марапаттаған аудан басшысына ризашылығын жеткізді. «2017 жылдан бері тұрақты өнер көрсетіп, біршама жарыстарды жеңімпаз болдық. Екі жылғы пандемия кезінде жарыс тоқтаған болатын. Биылдан бастап жарыстарға шығуды бастадық. Алда үлкен жарыстарға әзірлікті бастап, лайықты өнер көрсетемі деген ойдамын», -деді.
Айта кетуіміз керек, Отырар ауданында «Балалар жылына» орай 20-22 шілде волейболдан ересектер арасында Түркістан облысының IV спартакиадасында Созақ ауданы құрамасы чемпион атанды.
