ТҮРКІСТАН: АУДАНДАРДА ЖАСТАРДЫ ОТАНСҮЙГІШТІККЕ БАУЛИТЫН «АРАЙ» БАЙҚАУЫ ӨТУДЕ

258
Түркістан облысына қарасты бірқатар аудандарда «Арай» байқауы өткізілуде.
Бүгінде Сарыағаш, Отырар, Шардара аудандарындағы мәдениет үйлерінде  аудандық «Арай» байқауы өткізілді. Сарыағаш ауданындағы өткен шарада  аудан әкімі Арман Абдуллаев арнайы қатысып, өнерпаздарға сәттілік тіледі.
«Биылғы өтіп жатқан байқаудың орны ерекше. Аудандық мәдениет үйі күрделі жөндеуден өткеннен кейін алғаш байқаумен бастауының да өзіндік мәні бар. Облыс аумағында шын шеберлер шеберханасы атанған ауданымыз көркем өнерпаздарының қатарын толықтырар шынайы дарабоздарға сенім арта отырып, өнерлі жастарымыз топ жарарына сенім артамын», – деді аудан әкімі.
«Арай» байқауы аудан көлемінде тұрақты түрде 1995 жылдан бастап өткізіліп келеді. Басты мақсат – жастарды отансүйгіштікке баулып, ұлттық рухты тәрбиелеп, эстрадалық ән орындау өнерін дамыту. Сонымен қатар, жаңа эстрадалық әндерді халық арасында кеңінен насихаттап жас талант иелерін және мәдени іс-шара жүргізушілерін анықтау. Нәтижесінде эстрадалық әншілер арасында бас жүлдені Жылға ауылдық округінің тұрғыны Ернұр Лес иеленсе, бірінші орынды Ақтөре Құрбанбек жеңіп алды. Жүлделі екінші орынды Досымхан Баймұханов, үшінші орынды Жадыра Накипова мен Нұркелді Леспек иемденді. Ал мәдени іс-шара жүргізушілері арасында бас жүлдені Жібек жолы ауылдық округінің тұрғыны Индира Раван-Нахчивани иеленді.

Сонымен қатар, Отырар аудандық мәдениет сарайында да “Арай-2023” жас эстрада әншілері мен іс-шара жүргізушілері байқауы өтті. Облыстық «Арай-2023» фестивалінің аудандық іріктеу сынында облыстық мәдениет және халық шығармашылығы орталығының мәдени ұйымдастырушы маманы Зағипа Өмірзақова, Халық шығармашылығын қамтамасыз ету бөлімінің меңгерушісі Мұрат Жұманов, Отырар халық театрының жетекші режиссері Нұрлан Жалғасбаев қазылық жасады. Байқауға эстрада әншілері жанры бойынша 17 үміткер, іс-шара жүргізушілері бойынша 14 үміткер қатысып өз бақтарын сынады. Нәтижесінде жас эстрада әншілері жанры бойынша бас жүлдені Маханбет Әбдіқұл жеңіп алды. Жүлделі 1-орынды Расылбек Мейрамбек, 2-орынды Ринат Рақымжан иеленді. Ал 3 орынды Қарлығаш Бақтыбаева иемденді. Бұдан бөлек, мәдени іс-шара жүргізушілері жанры бойынша бас жүлдеге Нұрдәулет Өтеген ие болып, 1-орын иегері Дінмұхамед Тұрарбек атанды. Сондай-ақ, сайыста 2-орынға Рахат Батырхан ие болып, 3 орынға Жандос Тастемір ие болды. Байқау соңында жеңімпаздар арнайы алғыс хаттармен және қаржылай сыйлықтар табысталды. Жеңімпаз атанған өнерпаздар облыстық “Арай-2023” жас эстрада әншілері мен мәдени іс-шара жүргізушілері байқауында аудан намысын қорағамақ.

Бұдан бөлек, Шардарада ауданда да аталмыш  “Арай-2023” атты эстрада әншілері мен мәдени іс-шара жүргізушілері арасында байқауы өткен болатын. Аталған байқау жастарды отансүйгіштікке баулу, эстрадалық ән орындау шеберлігін дамыту, сондай-ақ облыстағы мәдени іс-шара жүргізушілерді анықтау мақсатында ұйымдастырылды. Дәстүрлі байқауда құттықтау сөз сөйлеген аудан әкімінің орынбасары Шомпиев Бауыржан Қуанышбайұлы қатысушы үміткерлерге сәттілік тіледі. Барлығы 24 үміткер, оның ішінде эстрадалық ән жанры бойынша 15, мәдени іс-шара жүргізушілері бойынша 9 қатысушы бақ сынады.

Байқау қорытындысында эстрада әндерін орындаушылар бойынша жүлделі 1 орын әнші Шахзод Санаға бұйырды. Ал мәдени іс-шара жүргізушілері сайысында ЭльвираИкрамбай І орынға лайық деп танылды. Байқау жеңімпаздары мен қатысушыларға Шардара аудандық мәдениет, тілдерді дамыту, дене шынықтыру және спорт бөлімінің басшысы Айдаров Еркебұлан Тоқтарұлы Алғыс хаттар мен бағалы сыйлықтарды табыстады. Жүлделі орынға ие болған қатысушылар облыстық байқауға жолдама алды.