Түркістан облысы Бәйдібек ауданы «Жамбыл ауылдық округі әкімі аппараты» мемлекеттік мекемесінің ұйымдастыруымен «Жамбыл лигасы» атты кіші футболдан ауыл тұрғындары арасында жарыс өтті.
Ауыл тұрғындары арасында салауатты өмір салтын насихаттау, бұқаралық спортты дамыту мақсатында ұйымдастырылған жарыс жоғары деңгейде өтті.
Кіші аяқ доп сайысында «Жамбыл құрамасы» командасы топ жарды.
Екінші орын «1993 жылғылар» командасына бұйырды. «1998 жылғылар» үшінші орынға табан тіреді.
Сонымен қатар, жарыстың «Үздік қақпашысы» Әбдіғаппар Төрехан атанса, «Үздік қорғаушы» номинациясын Талапбек Бақдәулет жеңіп алды. Ал, қатысушылар арасында топ жарған Бақытжанұлы Әділжан «Үздік шабуылшы» иегері болды. Сондай-ақ, жанкүйерлердің ыстық ықыластарына бөленген Балсапа Дархан сайыстың «Үздік ойыншысы» атанды.
Жеңімпаздар Жамбыл ауыл әкімі атынан кубок және мақтау қағаздарымен марапатталды. Жарыс тартысты және қызықты өтті.
Жарыс жеңімпаздарын марапаттаған Жамбыл ауыл әкімшілігінің спорт нұсқаушысы Мақсат Абдукаримов мұндай спорттық сайыстардың әр ай сайын тұрақты түрде өткізіліп тұратынын атап өтті.
Ауыл тұрғыдарының денсаулығын жақсарту, салауатты өмір салтын қалыптастыру мақсатында мұндай спорттық сайыстар алдағы күндерде де өз жалғасын табатын болады. Нақтырақ айтсақ, 15 тамыз – «Спорт күні» мерекесіне орай, ауыл жастары командалары арасында спорттық іс-шара өткізу жоспарлануда.
