Бүгін Бәйдібек ауданының Алмалы ауылдық округінің Бәйдібек ата ауылы аумағындағы орналасқан “Тау шыңы” балалар лагерінің маусымдық ашылуы өтті.
Лагердің маусымдық ашылуында аудан әкімінің орынбасары Берік Тұрлыбеков, аудандық мәслихаттың хатшысы Асқар Кенехан, аудандық адами әлеуетті дамыту бөлімінің басшысы Ақбала Құлымбет сөз сөйлеп, лагердің ашылуымен құттықтап, балаларға лагерде жаңа достармен танысып, жазғы демалысты қызықты өткізу жөнінде тілек білдірді.
Ашылу салтанатында балалар өздерінің арнайы дайындаған өнерлерін көрсетіп, концерттік бағдарлама қойды.
Биылғы Балалар жылында “Тау шыңы” балалар лагерінде бір маусымда 125 бала демалса, жалпы жазғы маусымда мың бала тегін демалатын болады.
