Түркістан облысының дін істері басқармасының ұйымдастыруымен «Балалар жылы» аясында, Төлеби ауданының демалыс аймағында «Жусан» әскери-гуманитарлық операциясы арқылы елге қайтарылған 5 отбасы мүшелерінің қатысуымен 2 күндік тимбилдинг ұйымдастырылды. Тимбилдинг аясында оларды қазақстандық қоғам құндылықтарына бейімдеу, теологиялық-психологиялық көмек көрсету мақсатында кешенді іс-шаралар жүзеге асырылды.
Іс-шара қазақ халқының діни-рухани тұтастығын сақтау, өскелең ұрпаққа халқымыздың тарихы мен салт-дәстүрлерін насихаттау, жасөспірімдердің интеллектуалдық пайым-парасатын арттыру және бұқаралық спортты дамыту мақсатында ұйымдастырылды. Тимбилдингтің бағдарламасында террористтік белсенді аймақтардан қайтарылған 5 отбасының балаларына анимациялық кейіпкерлердің қатысуымен түрлі көңілді іс-шаралар өткізіліп, табиғат аясында психологиялық ой сергітер ойындар ұйымдастыру арқылы әлеуметтік ортаға бейімдеу курстары жүргізілді.
Білікті дінтанушы, теолог, психолог мамандар тарапынан «Салт-дәстүр тағылымы», «Ханафи мазхабындағы діни үкім шығару мәселесі», «Дін мен дәстүр – тәрбие діңгегі» тақырыптарында қазақ халқының діни-рухани мұрасы кеңінен түсіндірілген теологиялық дәрістер өткізілді. Сонымен қатар «Толағай» отбасылық-спорттық сайысы ұйымдастырылып, жүлделі орындар табысталды.
Тәлімі мен тағлымы мол тимбилдингке қатысушылар облыс басшылығына, осы іс-шараны ұйымдастырушы облыстық дін істері басқармасына алғыстарын білдіріп, жақсы көңіл-күйде тарқасты.
Жалпы облыста 1-10 сынып оқушыларының жалпы саны – 444 174 құрайды. Жалпы жазғы сауықтырумен 316 269 баланы қамту жоспарлануда, ол 71,2% құрайды.
Қазіргі таңда облыс көлеміндегі 16 (8 – мемлекеттік, 8 – жекеменшік) қала сыртындағы жазғы сауықтыру лагерлерінде әлеуметтік жағдайына байланысты 22 324 бала бюджет есебінен тегін демалады. Ал, 35 306 бала ата-аналар есебінен ақылы түрде сауықтырылады деп күтілуде. Сонымен қатар, 281 мектеп жанындағы бір мезгілгі тамақпен қамтылатын лагерлерде 17 248 бала бюджет есебінен тегін, 12 685 бала ата-аналар есебінен ақылы түрде демалады деп жоспарланған.
Тамақсыз мектеп жанындағы 786 ойын-сауықтыру алаңшаларда 118 536 бала тегін қамтылатын болады. Оқушыларды еңбекке баулу мақсатында жаз мезгілінде 109 мың бала көркейту, көгалдандыру, құрылыс бригадалары мен мектеп орманшылығынның жұмысына қатысады. Сондай-ақ, Төлеби ауданындағы «Робинзон» лагері мен туристік жорықтарға тәрбиесі қиын (девиантты), мектепішілік есептегі балалар тартылады. Түлкібас ауданындағы «Самал» лагерінде облыстағы 2 отбасылық үлгісіндегі балалар ауылының жетім және ата-анасының қамқорлығынсыз қалған 170 тәрбиеленуші жаз бойы демалады. 8 мемлекеттік лагерлердің жөндеу, әктеу, сырлау жұмыстарына 20 500.0 мың қаржы қаралып, жөндеу жұмыстары жүргізілді.
Қазіргі таңда облыс көлеміндегі 16 қала сыртындағы жазғы сауықтыру лагерлері бала қабылдауға толығымен дайын.Қала сыртындағы лагерлерге оқушыларды қабылдау ағымдағы жылдың 10 маусымында басталады, жаз бойы 8 маусымда қызмет көрсетеді.Сондай-ақ, ағымдағы оқу жылында 455 бала «Балдәурен» және Алматы қаласындағы «Бөбек» республикалық оқу-сауықтыру лагерлерінде сауықтырылды.Сонымен қатар, жергілікті кәсіподақтар арқылы олимпиада, спорттық жарыстар мен өнер сайыстарының жеңімпаздар тәрбиелеген ұстаздар 100 пайыздық жеңілдікпен, ал, еңбек өтілі жоғары ұстаздар шипажайларда 30, 40, 50 пайыздық жеңілдіктермен сауықтырылады.
