Түркістан облысы Түлкібас ауданына қарасты Балықты ауылының 13 ішкі (12 шақырым) көшесінде асфальт жабындысы төселмеген. Осы ретте биыл «Ауыл ел-Бесігі» бағдарламасы аясында толығымен орташа жөндеуден өтетін болады. Нәтижесінде 5 мыңнан астам халқы бар округ орталығының ішкі көшелерін жөндеу 100 пайызға жетеді.
Сонымен қатар, аудан әкімі Нұрлан Байғұт жауапты мамандармен бірге аталған округке барып, жұмыс барысын бақылап қайтты. Асфальт жабындысы төселінген Құрманғазы, Болашақ, Алан көшелерінің сапасын көрді. Осы ретте жол құрылысының біршама кемшілік тұстарын анықтап, ретке келтіру мақсатында жауапты мердігерге нақты тапсырмалар жүктеді.
Бүгінгі таңда 13 көшенің 3-не асфальт жабындысы төселген. Ал 4 көшенің астыңғы жабындысына тас төселіп, нығыздау жұмыстары жүруде. Жөндеу жұмыстары ағымдағы жылдың қараша айында толығымен аяқталып, ел игілігіне пайдалануға беріледі деп жоспарлануда.
