Созақ ауылының тұрғыны Тоғжан Асқарбекқызы биыл «Бизнес Бастау» кәсіпкерлік негіздерін оқыту бойынша грант ұтып алды. Бүгінде «Togzhan cakes» кондитерлік өнімдер шығаратын орталық ашып, кәсібін дөңгелетіп отыр. Сапалы өнімге тапсырыс берушілер де көп. Аудан әкімі Мұхит Тұрысбеков Созақ ауылында болып, шағын кәсібін дөңгелетіп отырған Тоғжан Асқарбекқызының кондитерлік өнімімен танысты. Жоғары бағасын берді.
-Біз шағын кәсіпкерлікті дамытуға ниет білдірген тұрғындарды қашанда қолдаймыз. Өзінің кәсібін дөгелетіп отырған Тоғжанға алғысымды білдіремін,- дейді аудан басшысы.
Кондитерлік өнімге сұраныс көп екенін жеткізген Тоғжан Асқарбекқызы: – Әлеуметтік желіде арнайы парақшамыз бар. Кей күндері үлгере алмай кетеміз. Ең бастысы осындай жұмыс жасау өзіме ұнайды. Әрбір тұтынушы тәтті бәліштің мерекелік торттың дәмді екенін айтқанда қуанып қаламын, дейді.
Жолдасы Малохиддин Абламидов 2021 жылы грант алып, ағаш өңдеумен шұғылданады. Бүгінде оның ағаш өнімдеріне де сұраныс көп. Ол екі ауыл тұрғынын жұмыспен қамтып отыр.
