ТҮРКІСТАН: ДАРХАН САТЫБАЛДЫ КЕНТАУДАҒЫ ТҰРҒЫН ҮЙЛЕРДІҢ ЖЫЛУ ЖҮЙЕСІН ТЕКСЕРДІ

Сабит Тастанбек

13.01.2024

ТҮРКІСТАН: ДАРХАН САТЫБАЛДЫ КЕНТАУДАҒЫ ТҰРҒЫН ҮЙЛЕРДІҢ ЖЫЛУ ЖҮЙЕСІН ТЕКСЕРДІ

Түркістан облысының әкімі Дархан Сатыбалды Кентау қаласындағы №5 жылу орталығында болып, жауапты сала басшыларының басын қосқан болатын. Оларға күннің күрт суытуына орай орталықтың жұмысын бақылауды күшейтуді ескертті. Нақты тапсырмалар берді. Жылу орталығы қалыпты жағдайда жұмыс істеп тұр. Шаһарға жұмыс сапарымен келген Түркістан облысының әкімі Дархан Сатыбалды көпқабатты тұрғын үйлерді аралап, жертөлелерінің жүйелері мен пәтерлердегі жылу сапасын тексерді. Жергілікті тұрғындармен жүздесті. Кентаулықтар жылу, ауыз су, табиғи газбен қамту, пәтер иелерінің кооперативін құру секілді мәселелерді ортаға салды. Облыс басшысы тұрғындардың сауалдарына дауап беріп, жауапты тұлғаларға нақты тапсырмалар берді.

Жылу ориалығында былтыр демеушілер есебінен жөндеуден өткен 4 қазандықтың жалпы қуаттылығы шаһарды толық тұрақты жылумен қамтамасыз етуге жеткілікті. Қосымша екі қазандыққа монтаждау жұмыстары жүргізілуде. Жоспар бойынша әлі екі қазандық толық жаңартылады.Қалада ішіндегі ұзындығы 25 шақырым желілерді оқшаулау жұмыстары жалғасып жатыр. Өткен жылы сондай –ақ 4,7 шақырымды құрайтын жылу магистралі толық жаңартылды. Жұмыс барысы тікелей Түркістан облысының әкімі Дархан Сатыбалдының бақылауында.Жылу температурасы +64 градусты көрсетсе, кері қайтуы +44. Орталықта көмір, мазут отынының қоры жеткілікті.Осыдан тура 90 жыл бұрын салынған Жылу орталығы соңғы рет күрделі жөндеу осыдан 10 жыл бұрын жасалған. Жылу құбырларының ұзындығы 169 шақырымды құрайды. Мұнда 400-ге жуық жұмысшы еңбек етеді. Орталық
14 мыңнан астам абонентті жылумен қамтамасыз етеді.

Бұдан бөлек, жуырда Түркістан облысына жасаған жұмыс сапары аясында ҚР Парламенті Мәжілісінің депутаттары, «AMANAT» партиясының фракция мүшелері Қайрат Балабиев, Ерлан Абдиев және Темір Қырықбаев Кентау қаласындағы Жол картасында қамтылған «Кентау Сервис» мемлекеттік коммуналдық кәсіпорнында болып, №5 Жылуэнергоорталығын қайта жаңарту жұмыстарының атқарылуын қадағалады. Стратегиялық мәні бар нысандағы модернизациялау жұмыстарының барысын сондай-ақ «AMANAT» партиясы Түркістан облыстық филиалының төрағасы, Түркістан облыстық мәслихатының депутаты Алтынсары Үмбетәлиев, партияның өңірлік филиалы атқарушы хатшысының орынбасары, Түркістан облыстық мәслихатына Кентау қаласынан сайланған депутат Қалыйма Жантөреева мен Кентау қаласы мәслихатының депутаттары аралап көрді.

Жылу қуатын өндіру және тасымалдау қызметін атқаратын кәсіпорынның негізі 1934 жылы қаланған, ал 1952 жылы мұнда қуат өндіру қондырғылары орнатылған. Кәсіпорын теңгеріміндегі жылу құбырларының жалпы ұзындығы 169 шақырымды құрайды. Оның ішінде 38,2 шақырымы – магистралды жылу құбырлары болса, 130,8 шақырымды – ішкі орамдық жылу құбырлары құрайды. Кентау қаласы бойынша орталықтандырылған жылуға қосылған 14 045 абонент бар. Жылу тұтынушылар қатарында 106 бюджеттік мекеме, 2295 жеке сектордағы тұрғын үйлер, 347 көпқабатты тұрғын үйлер, 441 коммерциялық нысандар тіркелген. Өткен жылғы жылыту маусымына дайындық барысында қазандықтарды, жылу жүйелерін және қосалқы қондырғыларды қайта құру жұмыстарының сметалық құны 13 596,517 млн. теңге болып белгіленген. Нысандағы құрылыс-монтаж жұмыстарына мердігер ұйым ретінде «ЭМ-Холдинг» ЖШС-гі, техникалық қадағалаушы мекеме санатында «Атакама» ЖШС-гі болып анықталып, келісімшарт түзілген. Жалпы бүгінгі күнге дейін 2,8 млрд теңге қаржы қаралып, қазандықтардың құрылыс-монтаж жұмыстары атқарылуда. Қазіргі таңда 5-шы, 6-шы, 7-ші, 12-ші қазандықтардың ағымдағы жөндеу жұмыстары 100%-ға аяқталып, 30 қазаннан бастап жылу беру маусымы басталған. Қазір кәсіпорын штаттық режимде жұмысын атқаруда.

Айта кету керек, Кентау қаласын сапалы жылумен қамтуда 8 дана жылу қазандықтарын, қосалқы электр станциясын, 21 шақырымды құрайтын магистралды құбырлар мен 81 шақырымды құрайтын ішкі орамдық жылу құбырларын қайта құру жұмыстарын екі кезеңде жүргізу жоспарланған. Оның ішінде бірінші кезеңде 6,6 шақырым магистралды жылу жүйесін және 4 кері сорғы станцияларын қайта құру жұмыстары белгіленіп, 4,7 шақырым құбырларды монтаждау жұмыстары аяқталып, іске қосылған. Қалған 1,9 шақырым құбырларды ауыстыру жұмыстары биылғы жылы жалғасын табатын болады. Екінші кезең бойынша 14,5 шқ магистралдық жылу құбырларын қайта құру жұмыстарын жүргізу жобасы мемлекеттік сараптамадан өткізу бастамасы атқарылып, құрылыс жұмыстары биыл басталмақ. Осы және өзге де атқарылған жұмыстарды жайында Парламент өкілдеріне баяндалды.Жылу беруші кәсіпорындағы жөндеу жұмыстарына жауапты мердігердің қызметін жіті бақылауда ұстау керектігі жөнінде айтқан Парламент депутаттары, республикалық деңгейде қаралатын мәселерді тиісті министрлікке жеткізілетінін атап өтті. Қала әкімдігі мен тиісті облыстық ұйымдарға осы мәселе жөнінде нақты тапсырмалар жүктеді. Парламент Мәжілісінің депутаттары Қаратау тәжіне баланған кеншілер қаласындағы жұмыс сапары жаңа кәсіпорындардың жұмысымен танысу кездесулерімен жалғасты. Парламент өкілдері «BNK Group LTD» ЖШС-нің жаңбырлатып суару машиналарын жасау жобасымен танысты. Құны 1,2 млрд. теңгені құрайтын инвестициялық жоба бойынша 50 адам тұрақты жұмыспен қамтылып, сұранысқа ие жаңа технологиялармен ауылшаруашылығына қажетті суару техникалары құрастырылмақ.

Ал «КазОйлЭнерджи» ЖШС-нің өндірістік алаңына барған депутаттар өндірістік қалдықтарды қайта өңдеу және оны утилизациялау жобасымен танысты. Жеке кәсіпкер Руслан Мұратұлы жүзеге асырып жатқан инвестициялық жобаның құны 24 млрд. теңге құрайтынын айтты. Жылына 3,5 мың тоннаға дейін өндірістік қалдықтарды өңдейтін кәсіпорын 1500 адамды жұмыспен қамтып, қаланың экологиялық ахуалын жақсартуға үлесін қоспақ. Қазір мұнда өндірістік алаңды дайындау жұмыстары қарқын алып, құжетті құрал-жабдықтар орналастырылуда. Өндіріс орны биыл тестілік режимде жұмысын бастайтын болады. Жұмыс сапары барысында Парламенттің төменгі палата өкілдері Мемлекет басшысының саяси, экономикалық және әлеуметтік реформаларының мәнін ашып айтып, Парламент Мәжілісінің заң шығару ісіндегі бастамалары жөнінде кең көлемді мағлұматтар берді. Парламенттегі партиялық фракцияның жұмыс нәтижелерімен таныстырып, өкілді мемлекеттік биліктің халық тарапынан білдірілген сұраныстардың орындалуы жөнінде ақпарат берді.

Бұдан бөлек, Президент газ жылу станцияларын кезең-кезеңмен пайдалануға беруді тапсырды.

Ең алдымен, жобалардың сапасы жоғары болуға тиіс. Біз оны қадағалаймыз. Мұндай жобалар қалаға өте қажет. Мен бұл жерге осы мақсатпен келдім. Әр қалада үш негізгі мәселе бар. Олар – жылу, жарық және су. Тұрғындар бұл қажеттіліктермен міндетті түрде қамтамасыз етілуі керек. Оның үстіне, сөз елорда туралы болып отыр. Ешқандай кідіріс болмауға тиіс. Бұл, түптеп келгенде, біздің мемлекетіміздің беделі мен имиджіне қатысты мәселе. Сондықтан аталған мәселені бәріміз жұмылып, міндетті түрде толық шешуіміз қажет, – деді Мемлекет басшысы.

Өңірлердегі жылу орталықтары мен басқа да құрал-жабдықтардың 80 пайызы әбден тозған. Мемлекет басшысы «Egemen Qazaqstan» газетіне берген көлемді сұхбатында осылай деді. Сонымен қатар, елдегі тұрғын үй-коммуналдық шаруашылығындағы ахуал мүшкіл екенін айтты. Мемлекет басшысының айтуынша, бұл – көп жылғы салғырттықтың салдары. Президент «еліміздің отын-энергетика кешені мен коммуналдық шаруашылығының үздіксіз жұмыс істеуін қамтамасыз ету – тікелей Үкіметтің міндеті» деп қадап айтты.

– Бүкіл Қазақстандағы инженерлік инфрақұрылымды толық жаңғырту – өте ауқымды әрі күрделі міндет. Бұл мәселе біртіндеп шешіліп жатыр. Көктем-жаз айларында Үкімет пен әкімдіктер жылу маусымына дайын болу үшін біраз жұмыс жасады. Жағдайы сын көтермейтін бірқатар нысанды жөндеді, – деді ҚР Президенті Қасым-Жомарт Тоқаев

Сондай-ақ Президент өз сұхбатында ел азаматтарының қарызға белшеден батқанына қатты алаңдаушылық білдірді. Бұл жағдайға жұрттың қаржылық сауаттылығының төмендігі себеп болып отырғанын айтты. Сол себепті қарызды беру тәртібі мен коллектор ұйымдарының қызметін қатаң реттеу керек деп тапсырма берді. Одан бөлек, Мемлекет басшысы елдегі электр энергиясы нысандары мен жылу орталықтарында болатын кішігірім оқиғаларды дардай қылып көрсететін белсенділердің ісіне де қатысты ой білдірді.

«Жылумен қамтамасыз ету ісіндегі болмашы олқылықты «қасіретке» айналдыруға ұмтылатын әлеуметтік желідегі адамдар отқа май құйып, елді дүрбелеңге салып жүр» деді. Түймедейді түйедей ететін жандардың ісін сынға алды.

– Ең алдымен, күрделі апаттардың алдын алып, үйлерге жылудың үздіксіз берілуін қамтамасыз ету керек. Бірақ жаңа қуат көздерін ашу, желілерді біртіндеп жаңарту және коммуналдық саланы түгел жаңғырту басты міндет екенін ұмытпаған жөн. Қазір жылу желілері әрең жұмыс істеп тұр. Үкімет пен әкімдіктер батыл қимылдап, қажетті шараларды дереу қолға алуы керек. Онсыз болмайды, – деді Мемлекет басшысы.