Шолаққорған ауылындағы мәдени спорттық сауықтыру кешенінде денсаулық сақтау саласы қызметкерлері арасында спартакиада ұйымдастырылды. Ашылу салтанатында аудан әкімі Мұхит Тұрысбеков құттықтау сөз сөйлеп, спортшыларға сәттілік тіледі.
Аудандық аурухананың бас дәрігері Бақытжан Мырзагелдиев: – Екі жыл пандемия болып, мәдени- спорттық шарадан алыстап кеттік. Ақ қалатты жандардың пандемия кезінде халыққа қалай қызмет еткенін бәріңіз білесіздер. Денсаулық сақтау саласы қызметкерлері арасында спартакиада жылда ұйымдастырылуды жоспарлап отырмыз, – деді.
Жалпы 8 команда жарысқа қатысып жүлделі орынға таласты. Спорттың бірнеше түрінен өтетін жарыс екі күнге созылды.
