ТҮРКІСТАН: ЕСІРТКІГЕ ҚАРСЫ ЖАСТАР СПОРТТЫҚ ОЙЫНДАРДАН САЙЫСҚА ТҮСТІ

402

Бүгін Түркістан облысы полиция департаменті Есірткі қылмысына қарсы іс-қимыл басқармасы және Түркістан облысы қоғамдық даму басқармасы «Жастар ресурстық орталығы» КММ-нің қолдауымен 26 маусым – Халықаралық нашақорлыққа қарсы күрес күніне арналған айлық іс-шаралардың жабылу салтанаты өтті.

Салтанатты жиынның ашылу рәсімі Азаматтық бастамаларды қолдау орталығының басшысы Құрман Ғалым Полатұлының алғы сөзімен бастау алған іс-шара спорттық жаттығулардан үзінді қойылымымен жалғасын тапты.

Халықаралық нашақорлыққа қарсы күрес күніне арналған айлық іс-шаралар түрлі бағыттағы шаралармен ай бойы жалғасын тауып, белгілі спортшылардың қатысуымен салтанатты жиындар мен спорттық ойындардан өткен жарыстарда топ жарып шыққан жеңімпаздар марапатталды.Кеште Түркістан облысы мәдениет басқармасының өнерпаздары өнер көрсетті.