Түркістан облыстық қоғамдық даму басқармасы «Қоғамдық келісім» КММ-ң ұйымдастыруымен облыстық Қазақстан халқы Ассамблеясы жанындағы құрылымдар мен облыстық этномәдени бірлестіктердің бірлескен отырысы өтті.
Жиынға Түркістан облысы әкімінің орынбасары Бейсенбай Тәжібаев қатысты.
Түркістан облыстық Қазақстан халқы Ассамблеясының негізгі стратегиялық бағыттары мен міндеттерін жүзеге асыру, өңірдегі қоғамдық келісім мен этносаралық қарым-қатынасты нығайту мәселелері талқыланған жиында облыстық ҚХА жанындағы Қоғамдық келісім және Ақсақалдар кеңесінің төрағасы Созақбай Әбдіқұлов, Түркістан облыстық өзбек этномәдени бірлестігі төрағасының орынбасары Раймжан Қошқаров, облыстық ҚХА жанындағы Аналар кеңесінің төрайымы Гүлсара Тоққұлова, облыстық ҚХА жанындағы Ғылыми-сарапшылық топ жетекшісі Сейдулла Садықов, облыстық ҚХА жанындағы Журналистер мен блогерлер клубының жетекшісі Ерсұлтан Әмірбек сөз сөйледі.
Өңірдегі қоғамдық келісім мен саяси тұрақтылықты қалыптастыруда Түркістан облыстық Қазақстан халқы Ассамблеясы жанындағы құрылымдар мен этномәдени бірлестіктер этносаралық татулықты насихаттау мен бірлікті бекемдеуге бағытталған жұмыстарды бірлесіп жүзеге асыруда жүйелі жұмыс жүргізетін болады.
