Параспорттан әлем чемпионы Даурен Нарыбеков және Темірбек Тоғанбай Алпамыс батыр ауылдық округіндегі №349 сайлау учаскесінде сайлауға келіп өз таңдауын жасады. Аудан мақтаныштары дауыс беру рәсімінен кейін жүрекжарды лебізін жеткізді.
– Бүгінгі сайлау еліміздің, өңіріміздің болашағы үшін маңызы жоғары. Себебі біз Жаңа Қазақстандағы жаңа саяси науқанға қатысып отырмыз. Әрбір азамат ерікті түрде дауыс беріп жатыр. Барлықтарыңызды Наурыз мерекесімен құттықтаймын. Еліміз аман, жұртымыз тыныш болсын, – деді Д.Нарбеков.
Даурен Нарбеков жеңіл атлетикадан паралимпиада ойындарында әлемді бағындырған спортшы. Ол 2000 шақырымға жүгіру, ұзындыққа секіру, найза лақтыру секілді жарыстардан алдына жан салмайды. Ал, Темірбек Тоғанбай Португалияның Вила Реал де Санто Антонио қаласында өткен дүниежүзілік IWAS ойындарында пара жеңіл атлетиканың диск лақтыру және 100 метрге жүгіруден қола жүлдегері атанған.
Чемпиондарды жылы шыраймен қарсы алған сайлау учаскесінің мамандары естелік сыйлық тарту етіп, өзінің азаматтық борышына жауапкершілікпен қараған азаматтарға алғыстарын білдірді.
