Кентау қаласының әкімі Рашид Аюпов шаһардың жаңа бас жоспарын таныстыру мақсатында БАҚ өкілдеріне арнайы баспасөз мәслихатын өткізді. Кенді шаһар басшысы биылғы жылдың 5 айындағы қаланың әлеуметтік-экономикалық дамуы туралы баяндады. Бас жоспарға сәйкес Кентау қаласын дамыту төрт ірі аумақты қалыптастыру арқылы жүзеге асырылмақ.
Дамудың даңғыл жолына түскен моноқалада заман талабына сай ғимараттар бой көтеріп, құрылыс алаңына айналмақ. Мәселен, жаңа әкімшілік іскерлік орталық, бала-бақшалар мен мектептер, Халыққа қызмет көрсету орталығы нысандарының салынуы жоспарланған. Сондай-ақ, 300 төсек орынды аурухана, спорт сарайы, аумағы 16 га болатын университеттің де құрылысының жүргізілуі көзделген.
«Бас жоспарда қаланың ескі бөлігін ретке келтіріп, инвесторларды тарту арқылы жаңа аумақтарда туристік, әлеуметтік және коммерциялық заманауи нысандар мен демалыс орындарын салу жоспарланған. Туризм саласын дамытып, жаңа жұмыс орындарын ашу үшін біршама жұмыстарды атқарылады»,- деді Рашид Абатұлы.
Сондай-ақ, «Қауіпсіз қала» жобасы аясында қала аумағында 42 «Сергек» бейнебақылау камерасы орнатылған. Қала тұрғындарының басым бөлігі қоғамдық көлікпен жүретіндіктен тозығы жеткен. Оларды ауыстыру қарастырылуда. Ол үшін «Түркістан әлеуметтік-кәсіпкерлік корпорациясы» арқылы тасымалдаушы мекеме тарапынан қалаішілік және қаламаңы бағыттарына қатынайтын 15 жаңа қоғамдық көліктерді жаңарту бойынша тиісті жұмыстар атқарылмақ.
Айта кетсек, сәуір айында Кентау қаласына газ берілді. Сол кезде облыс әкімі Өмірзақ Шөкеев тұрғындардың қуанышымен бөлісті. Жобаны жүзеге асыруда өте күрделі әрі ауқымды жұмыстар атқарылды. Бұл — Кентау қаласы тұрғындарының өмір сапасын арттырады. Жалпы Кентау Түркістанмен қатар дамып, әлеуеті көтеріледі. Моноқаланың бәсекеге қабілеттілігі жоғарылайды. Оған толық мүмкіндік бар. Облыс орталығының Түркістан қаласына ауысуы Кентаудың дамуына үлкен серпін берді. 2021 жылы Кентау қаласын дамытуға 1,3 млрд. теңге қаржы бөлінді. Көпқабатты үйлер модернизациялаудан өтті. «Қызыләскер» автоматтандырылған газ стациясын іске қосу жұмыстары аяқталып, қала тұрғындарын табиғи газға қосу мүмкіндігі пайда болды. Шахтаның суын төмендету жұмыстары жүргізілуде. Биыл қаланы дамытуға 1,6 млрд. теңге бағытталып отыр. Кентау қаласы аумағындағы әлеуметтік-инфрақұрылымдық мәселелерді жүйелі түрде кезеңімен шешілуде.
Сонымен қатар 2023-2025 жылдар аралығында Түркістан облысында 89 мектеп салынса, соның 5-уі Кентау қаласында жүзеге асырылмақ. 5 мектептің 2-уі халық санының және оқушы санының өсіміне байланысты қосымша ғимарат салуды қажет етеді.
Ал, жаңаданқосылған «Шұғыла» және «Жұлдыз» мөлтек аудандарына 1500-2000 орындық жаңа мектептің құрылысын салу қажет. Сондай-ақ Кентау қаласындағы мамандандырылған «Дарын» мектеп-интернатының ғимараты жалға алынған. Осыған орай, 300 орынды мектеп ғимаратын және 200 орындық жатақхана құрылысын салу қажет. Таяуда облыс әкімі Өмірзақ Шөкеев жақын елді мекендерге оқушыларды тасымалдау, автобуспен қамту ісін жандандыру керектігін жеткізді. Осы тұрғыда Кентау қаласына қыркүйек айында 1 автобус көлігі берілетін болып шешім тапты.
Айта кетейік, Кентау қаласында ортал білім беретін 24 мектеп қызмет етеді. Оның 1-уі жеке кәсіпкер есебінен бой көтерген жекеменшік білім ордасы. Мектеп құрылысын салу қала әкімі Рашид Аюпов тұрғындармен кездесу барысында көтеріліп келген.
