ТҮРКІСТАН: КЕНТАУДА 2 МЫҢҒА ЖУЫҚ БАЛА РЕСПУБЛИКАЛЫҚ МАРАФОНҒА ҚАТЫСТЫ

264
Балалар жылына орай Кентау қаласында «Kentau kıds marathon 2022» республикалық марафоны өтті. Жарысқа 2 мыңға жуық жас спортшы қатысып, өзара бақ сынады.
– Қаламызда алғаш рет өткелі тұрғaн республикалық марафонға қош келіпсіздер! ҚР Президентінің жарлығымен 2022 жылды «Балалар жылы» деп атауының өзінде үлкен мән бар. Себебі біздің жарқын болашағымыз мына өздеріңіз секілді мықты жастардың қолында, – деді ол.
Республикалық деңгейде ұйымдастырылған марафонға түрлі жарыс жеңімпаздары да келіп, балаларға салауатты өмір салтын ұстанудың маңызы мен артықшылығын түсіндірді.
Марафонда 8, 9, 10 жас аралығындағы балалар 500 метрге жүгірді. 11, 12, 13 жас аралығындағы балалар 1000 метрге жүгірсе, 14, 15, 16 жас аралығындағы балалар 2000 метрге дейін өз бақтарын сынады.
Нәтижесінде қала әкімі Жандос Тасов пен облыстық дене шынықтыру және спорт басқармасы басшысының орынбасары Айтмахаметәлі Бердашев жеңімпаздарды құттықтап, медальдар мен Алғыс хаттар табыстады. Ал жеңіс тұғырынан көрінген жүлдегерлер ірі жарыстарға жолдама алды.