ТҮРКІСТАН: КОЛЛЕДЖ ҰСТАЗДАРЫ ЕСКІ КӨЛІКТЕН ЭЛЕКТРОМОБИЛЬ ҚҰРАСТЫРДЫ

277

Мемлекет басшысы Қасым-Жомарт Тоқаевтың «Білімді ұлт» сапалы білім беру» ұлттық жобасы аясында білім саласында бірқатар жұмыстар атқарылды. Президенттің тапсырмасы бойынша мемлекеттік бағдарламалардан ұлттық жобалар форматына көшу жүзеге асырылды. «Білімді ұлт» сапалы білім беру» ұлттық жобасында жедел шешімдерді талап ететін және халықтың қажеттілігін қамтамасыз етуге бағытталған мәселелер бойынша мемлекеттік бағдарламамен сабақтастық сақталған. Ұлттық жобада Қазақстан Республикасының 2025 жылға дейінгі ұлттық даму жоспары бекітілген.

Жоба аясында Түркістан облысында колледж ұстаздары электромобиль құрастырған.
Бәйдібек ауданында орналасқан 19-ыншы колледж ұстаздары «Тiko» маркалы көліктің құрылымын өзгертіп, электромобиль жасап шығарды. Олар моторын алып тастап, орнына электр қуатынан күш алатын құрылғы орнатты. Қазір көлік жүріп тұр. Кілтті бұрап іске қосқанда дыбыссыз оталады. Ал жанар май құйып, матордың майын тексеру деген жұмыс мүлдем жоқ.
«Шымкентте электрлі мотоциклдермен қыш таситындар бар екен. Солармен байланысып, құрылымын көріп алдық. Сондан өзіміз құрастыруға кірістік. Бұл жұмыстарды колледждегі бірнеше ұстаз бірігіп жасадық. Мәселен, автоэлектрик сымдарын жалғаса, автомеханик жігіттер моторын ауыстырды. Бар мақсатымыз «WORLDSKILLS TURKISTAN-2023» байқауынан жүлде алу еді. Жасаған жұмысымыз нәтиже берді. Байқаудан жүлделі орын алдық», – дейді ұстаз Абзал Құлмаханов.
Электромобильді қуаттау қиындық тудырмайды. 220 ВТ-тық үйдегі токпен-ақ энергиямен толтырып алуға болады. Аккумулятолар көліктің соңғы орындықтарына орналастырылған. Әрбір қуат күшімен 4-5 сағат бойы жүруге мүмкіндік бар.
«Күзде басталған құрастыру жұмыстары көктемде аяқталды. Бұл жұмыстарға Айдар Бейімбетов, Абзал Құлмаханов, Қайрат Рахымбеков, Қанат Әуезхан және өзге де әріптестеріміз өз үлестерін қосты. Баршамыз бірігіп жасадық», – дейді аға шебер Бауыржан Әуелбеков.
Колледж ұстаздары «АЗЛК» маркалы «Москвичтің» құрылымын да өзгертіп, жол талғамайтын көлік етіп шығарған. Бір көргенде әскери «джип» секілді көрінеді. Ол да жүріп тұр. Бұдан бөлек, қолдан трактор құрастырып, оған су тартуға арналған моторды қойған. Қозғалтқышы ГАЗ-51 жүк көлігінен алынған. Мұның да кузовын ұстаздар қолдан жасаған.
«Қазір мектеп мұғалімдері колледж студенттеріне өздері құрастырған көліктермен тәжірибелік сабақтар өткізеді. Одан бөлек, жастарды заманауи көлік құрастыру ісіне баулып жатыр», – дейді колледж директоры Айдарбек Ильясов.

Ұлттық жобаның міндеттерінің бірі – қолжетімді әрі сапалы техникалық және кәсіптік біліммен қамтамасыз ету. 2025 жылға қарай жастардың 100%-ы сұранысқа ие мамандықтар бойынша тегін техникалық және кәсіптік біліммен қамтамасыз етіледі. Қамтуды ұлғайту нәтижесінде NEET санатындағы жастар үлесінің төмендеуі күтілуде. Колледждердің оқу-өндірістік шеберханаларын заманауи жабдықтармен жарақтандыру бойынша жұмыс жалғасады. «Жас маман» жобасы шеңберінде колледждер базасында 20 құзыреттілік орталығы құрылады. Барлық колледжде WorldSkills талаптарын ескере отырып, құзыреттілікті айқындау бойынша демонстрациялық емтихан енгізіледі.

тар, Сонымен қақазақстандық жоғары оқу орындарының бәсекеге қабілеттілігін арттыру. Ұлттық жоба шеңберінде 20 академиялық ұтқырлық орталығы (15 өңірлік және 5 педагогикалық жоғары оқу орны) және Назарбаев Университетінің тәжірибесі бойынша 2 озық жоо құрылады. Бұдан бөлек, 2025 жылдың соңына дейін шетелдік жоғары оқу орындарының 5 филиалын ашу жоспарлануда. Бұл жастардың шетел асып кетуін азайтуға мүмкіндік береді. Кәсіпорындар, орталықтар базасында дағдылар мен құзыреттерді дамыту бойынша үздіксіз білім беру, сондай-ақ техникалық және кәсіптік, жоғары және жоғары оқу орнынан кейінгі білім беру ұйымдарының түлектерін қолдау қамтамасыз етіледі. ЖОО-ларда зерттеу экожүйесінің жұмыс істеуі үшін жағдайлар жасалады.