ҚР Конституциясының 30 жылдық мерейтойы қарсаңында Түркістан облысының бірқатар жас азаматына алғашқы жеке куәліктері ресми түрде табысталды. Жеке куәлік – әрбір жастың өміріндегі маңызды құжат қана емес, олардың толыққанды құқықтары мен міндеттері бар азамат ретінде қоғамға қадам басқанын айқындайтын жаңа белес.
«Азаматтарға арналған үкіметі» Мемлекеттік корпорациясы» КЕАҚ Түркістан облысы бойынша филиалының директоры Бахыт Басымбектің сөзінше шара жастардың мемлекетке деген сенімін арттырып, олардың қоғамдағы белсенділігін көтеруге бағытталған. Мемлекеттік қызметтердің қолжетімді әрі заманауи форматта ұсынылуы – жас буынға уақытын тиімді пайдаланып, білім мен дамуға көбірек көңіл бөлуге мүмкіндік береді.
Айта кетейік, Конституция күні қарсаңында ұйымдастырылған салтанатты рәсім – жастар үшін үлкен жауапкершілік пен жаңа мүмкіндіктердің бастауы.