Бүгін Шардара ауданының әкімі Қ.Жолдыбай ауданның гір спорты және каратэ спорт түрлерінен Әлем және Азия чемпиондары мен жаттықтырушыларын қабылдады.
Аудан басшысы жерлестерімізді жарқын жеңістерімен құттықтап,ауданымыздың, облысымыздың және еліміздің абыройын бұдан да биікке көтере берулеріне сенім білдірді. Сонымен қатар спортшылар мен жаттықтырушыларға өз атынан Алғыс хаттар пен бағалы сыйлықтар табыстады.
Сондай-ақ Шардара аудандық мәслихат хатшысы Арман Қарсыбаев шілде айының 1-5 күндері аралығында өткен Қырғыстан Республикасының астанасы Бішкек қаласында гір көтеру Әлем чемпионатында елімізідің Әнұранын 5 рет шырқатып, көк туымызды желбіреткен Шардара ауданының білекті спортшыларымызды құрметпен қарсы алып, аудандық мәслихат хатшысының алғыс хаттарымен және естелік силықтарымен марапаттады.
Жүлделі орындардан көрінген спортшыларымызды және жаттықтырушымызды жеңістерімен құттықтай келе, алдағы үлкен жарыстарда жеңіс тұғырынан көрінулерін тілейміз!
