Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы №826 Жарлығына сәйкес, сәуір айынан бастап Төлеби ауданы аумағындағы барлық ауылдық округ тұрғындарымен кездесу ұйымдастырылды. Кездесу 12 ауылдық округте, әр аптаның сәрсенбі, бейсенбі күндері өтті.
Ауданның барлық округіндегі басқосуларда халық ең бірінші жайылымдық жерлердің тарлығына шағымданып, осы мәселені шешу бағытында жұмыс жүргізуді сұранды.
Ел жағдайымен етене таныс Мемлекет басшысы Қасым-Жомарт Кемелұлы өз мақсатында пайдаланылмай жатқан жайылымдарды мемлекет иелігіне қайтару туралы тапсырма берді.
Бүгінде мал шаруашылығын негізгі кәсіп көзі етіп отырған шаруалардың көкейіндегі мәселені шешу бағытында жұмыстар іс-шаралар жоспары түзілді. Ортақ жайылымдық жерді қайтару бағытында өзімнің өкіммен комиссия құрылды. Комиссия құрамына сала мамандары, аудандық мәслихат депутаттары, қоғамдық мүшелері енді. Бүгінде аталған комиссия жерді түгендеу жұмыстарын жүргізуде.
Төлеби ауданы әкімдігінің 2021 жылғы 1 қарашадағы №436 қаулысымен жер есебі бекітіліп, аудандағы жалпы жер көлемі 306 380,0 гектарды құрайтыны анықталды.
Аудандық жер қатынастары бөлімі және жер-кадастр бөлімі, ауылдық округ әкімі аппаратының мамандары бірлесіп аудандағы жер учаскелерінің мақсатына сай пайдалануын анықтау жұмыстарын жүргізу барысында Қасқасу, Көксәйек және Алатау ауылдық округтерінде 13 жер учаскелері мақсатына сай емес пайдаланып жатқандығын анықталып, облыстық жер инспекциясы басқармасына түзілген актілер жолданды. 9 жер пайдаланушыға ҚР Әкімшілік кодексіне сәйкес әрбір фактілер бойынша жер инспекциясы тарапынан 10 АЕК мөлшерінде айыппұл салынды. 4 іс құжаттар сотқа жолданып, бүгінгі таңға соттың қарауында.
AMANAT партиясының сайлауалды уәделерді орындау бойынша Жол картасының индикаторларын орындау бағдарламасының 2,11 тармағына сәйкес, аудан әкімдігі және салалық басқармасы тарапынан бекітілген жоспар бойынша 2021 жылы жалпы 5,6 мың га жайылымдық жерлерді халықтың мұқтажына алу жоспарланып, есепті кезеңге 8 743,1617 га жайылымдық жер учаскелері ауданның арнайы жер қорына қайтарылды. Оның ішінде 7 918,2717 га қала, ауылдық округ әкімдерінің ұсынысы негізінде 9 елді мекеннің ортақ жайылымына беру бойынша аудандық жер комиссиясына ұсынылып, елді мекендерге ортақ жайлымға бекіттіліп берілді.
Биылғы жылдың бес айында 2546,2 га жайылымдық жері мемлекет игілігіне қайтарылды. Бүгінгі күні комиссия өз жұмысын жалғастырып, жайылымдық жерлерге зерделеу жүргізуде.
