Бүгін Мақтаарал ауданында 62 сайлау учаскесі, 18 аудандық мәслихат депутаттарын сайлау жөніндегі округтік сайлау комиссиялары, 2 бір мандаттық облыстық округтік сайлау комиссиясы, 1 аудандық аумақтық сайлау комиссиясы, жалпы саны 509 сайлау комиссиясының мүшелері өз жұмысын бастады.
«Geonomics» Электорат порталы арқылы «Жеке тұлғалардың мемлекеттік деректер қоры» бойынша жұмыс жүргізіліп, аудан аумағында сайлауға қатысуға құқығы бар 70 488 сайлаушылар тіркелгені анықталды. Барлық сайлау учаскелері интернет, байланыс телефоны, бақылау камералармен, қосымша электр көздерімен және арнайы басқада құрал-жабдықтармен толық қамтылған.
Мақтаарал ауданында мүмкіндігі шектеулі азаматтарға жағдай жасау үшін 62 сайлау учаскелері (3 жабық сайлау учаскесі) арнайы кабиналармен, тактильдік көрсеткіштермен, арнайы бұрыштармен, мониторлы компьютермен, құлақаспаптармен, ұлғайтқыштармен, тұтқалармен және пандустармен толық жабдықталған. Сондай-ақ, мүмкіндігі шектеулі азаматтар үшін көзі көрмейтін зағип жандар үшін 61 сайлау учаскесіне тактильді жолақ орнатылған.
Сайлау учаскелері жекелеген санатын бөле отырып, inva.gov.kz сайтындағы интерактивті қолжетімділік картасына мүгедектігі бар азаматтарға ыңғайлы жерлер көрсетілген ақпараттары бар электронды картаға сайлау учаскесі толық енгізілген. Сонымен қатар, 9 сурдо-тифло аудармашы, 3 инватакси, 4 әлеуметтік таксилермен тасымалдау қызметі сайлау учаскелеріне қамтамасыз етілген.
Айта кетейік, сайлаушылар тізімдеріне енгізу туралы азаматтардың өтініштерімен жұмысты ұйымдастыру мәселесі бойынша жұмысшы топ құрылып, арнайы Call-орталығы 24 сағат жұмыс жүргізуде.
