Мейірім – қоғамды ізгілікке бастайтын игі қасиет. Түркістан қаласының “Жұмыспен қамту және әлеуметтік бағдарламалар” бөлімінің ұйымдастыруымен басталған “Мейірімді жүрек” қайырымдылық акциясы бүгінде жалғасуда.
Акция барысында қала әкімінің орынбасары Ерлан Күзембаев жалғызілікті қариялардың шаңырағында болып, жағдайымен танысты. Сонымен қатар, тиісті көмектердің берілу сапасын анықтау мақсатында қариялармен пікірлесіп, тілектерін тыңдады.
Жалпы қазіргі таңда қалада 38 жалғызілікті қарт арнайы тіркеуге алынып, 29 әлеуметтік қызметкер бекітілген.
Әлеуметтік қызметкерлер қарияларға тұрмыс тіршілігіне қолқанат болып, қажеттіліктерін жеткізіп береді. Қажеттілігіне қарай дәрігер шақыртып, тиісті ем алуына жағдай жасайды.
Акция аясында қарияларға азық-түлік себеттері үлестірілді.
