Сауран ауданы Ескі Иқан ауылдық округінде Сауран ауданы «Жастар ресурстық орталығының» ұйымдастыруымен волейболдан сайыс өтті.
23 маусым Мемлекеттік қызметшілер күніне орай өткен сайысқа ауданның мемлекеттік қызметшілері қатысып, бақ сынасты.
Салауатты өмір салтын серік еткен қызметкерлерді аудан әкімі Ғани Рысбеков кәсіби мерекесімен құттықтап, жеңімпаздарды марапаттады.
«Мемлекеттік қызметшілердің спортқа жақын болғаны көңіл қуантады. Мемлекеттік қызмет білім мен біліктіліктен бөлек, асқақ рухты, көркем мінезді қажет етеді. Спорт адамның денсаулығымен қатар ой-санасын да шыңдайды. Сайыста да, өмірде де сүрінбеулеріңізге тілектеспін», – деді Ғани Рысбеков.
Аудандағы мемлекттік қызметшілердің арасында өткен волейбол сайысының жүлделі ІІІ орынын Ескі Иқан ауылдық округ әкімі аппаратының қызметкерлері, ІІ орынды аудандық жер қатынастары және ауыл шаруашылығы бөлімі, ішкі саясат бөлімі, тұрғын үй және коммуналдық қызмет бөлімдерінен құралған «Тұран» командасы қанжығалады. Ал, топтан озып, жүлделі І орынды иеленген команда аудан әкімі аппараты мен экономика және қаржы бөлімінің қызметкерлерінен құралған «Бірлік» командасы болды. Жеңімпаздарға алғыс хат пен арнайы сыйлық табысталды.
