Түркістан облысы әкімдігінің қолдауымен, дін істері басқармасының ұйымдастыруымен дін саласы бойынша ақпараттық-түсіндіру тобының мүшелерімен Республикаға танымал ғұламалардың қатысуымен облыс аудандарында кездесулер өтуде.Түркістан облысындағы мешіттер саны 800-ден астам көрінеді. Шымкент қаласында қырықтан астам мешіт жұмыс істеп тұр.
Аталмыш жоба аясында, Мақтаарал ауданында «Сарыағаш» медресе-колледжінің директоры Дінмұхаммед Сманов бірнеше кездесулер өткізді. Аталған кездесулерге Түркістан облысы дін істері басқармасының бөлім басшысы Жандос Әсілбек, «Дін мәселелер зерттеу орталығы» КММ-нің директоры Медет Халықов қатысқан. Кездесуді Мақтаарал ауданы әкімінің орынбасары Алтын Ешанқұлова және Ішкі саясат бөлімінің басшысы Тамара Ташева жүргізген.
Аталған шарада жалпы қоғам арасындағы түрлі деструктивті діни ағымдардың идеологиясының таралуының алдын алуға, сондай-ақ қазіргі таңдағы ынтымақтастық пен татулықта діннің алар орны ерекше екендігі түсіндірілген. Алдағы уақытта осы бағыттағы жобалар облысымыздың басқада қала, аудандарында өз жалғасын табады екен.
Сондықтан да саны жағынан ең басым діни бірлестік Қазақстан мұсылмандарының діни басқармасы болып табылады, оның қарамағында Республика бойынша 2680 діни бірлестік болып, соның ішінде Түркістан облысында 750 ғибадат ететін мешіттері бар. ## Қазіргі уақытта Түркістан облысында Сарыағаш медресе-колледжі облыстағы исламдық діни білім беру орны болып отыр.
Ислам Түркістан халқының тарихында, өмірінде ерекше маңызы бар, өнегелік ағарту мен тәрбиенің факторына айналған дін. ҚМДБ Қазақстандағы Ислам дінін қайта жаңғыртуды жүзеге асырудың маңызды тетіктерінің бірі болып отыр.
Қазіргі таңда дін қоғамда маңызды орын алады, әсіресе жастар арасында діннің кең таралуы байқалады. Осыдан бірнеше жыл алдын кең таралған діни ағымдар мен діни ұйымдардың белсенді қызметтерінің нәтижесінде жастардың басым көпшілігі діни ұйымдардың мүшелеріне айналып отыр. Алайда, жастардың діни ұстанымдары мен діни дүниетаным деңгейлері әр түрлі болғандықтан, ерекшеліктерін анықтауды талап етеді. «Мемлекеттік жастар саясаты туралы» Заңына сәйкес 14-29 жас аралығындағы адамдарды жастар санатына жатқызамыз. Бұл жастағы адамдар тобы еліміздегі тұрғындар санының 27,4% құрайды және өте маңызды болып табылады. Жастардың дұрыс бағытта қалыптасуы үшін діни көзқарасы, руханилығы, білімі, ұлттық менталитеті мен отан сүйгіштігінің дамуына жағдайлар жасалуы керек. Жастардың арасындағы теріс діни ақпараттар мен фанатизм әсерін тигізетін интернет жүйесінің қызметін ерекше айта кеткенде жөн.
Кез келген жас бала кезінен сауатын ашқан соң, кітап оқумен танысады. Кітап оқу арқылы дүниені тани бастайды. Сондықтан да кітап оқуды жастардың өзіндік көзқарасы мен дүниетанымына әсер етуші факторлардың бірі ретінде қарастырған жөн. Себебі интернет дамыған заманда жастар көкейіндегі өзіне керекті кез-келген ақпаратты, дінді енді үйренуші жастар – кітапқа, ресми сайттар мен ресми діни әдебиеттерге жүгінбейді. Достарынан діни ақпараттар алып, сол ақпараттармен ғана шектеледі. Яғни интернеттен немесе өзі сияқты енді намаз бастап жүрген, шала сауатты отбасынан тыс, мектептегі сыныптастарынан, жоғарғы оқу орнында группаластастарымен және т.с.с. адамдармен қарым-қатынаста болып, сол досының әлеуметтік желідегі теріс ағымды насихаттап жүрген парақшасына, оқыған діни әдебиетін, тындап жүрген діни уағызын, еш күмәнсіз зерттеп қарамай, оның байыбына бармай, дін мамандарына жүгінбей, өз бетінше, өз дегенімен ізденумен шектеледі. Осы себептен де, діни сауатсыз болғандықтан теріс діннің ықпалында кетіп жатқан жастар да кездесіп жатыр.
Қорыта келе мектептермен қатар, жоғарғы оқу орындарында дінтану пәнін міндетті пән ретінде енгізу және зайырлылық қағидаты дінтануды оқытуда негізгі әдістемелік оқулықтың болуы шарт. Дінтанушы сөздік пен діни терминологияға қатысты, дәстүрлі дінмен діни ағымның ақ қарасын ажыратып беретін, нұсқаулық еңбектер шығару қажет. Тәуелсіздік аясында халқымыз өзінің тарихын, мәдениетін, рухани мұрасын жан-жақты және терең тануға қол жеткізді. Зайырлы мемлекетімізде ұлтымыздың сана-сезімін және салт-дәстүрлерін, ұлттық құндылықтарын өркениеттік тұрғыдан зерделеу маңызды. Осындай зерттеулер қазақ елінің рухани тұғырының бірі, ислам құндылықтарының қоғам өміріндегі орны мен рөлін айқындауға мүмкіндік береді. Ұлт руханияты үшін ұлттық тіл, ұлттық діл және дін рухани тұғыр болып табылады. Осы үш діңгек бір-бірімен ажырамас бірлікте болғанда ұлт тұтастығы мен дамуыда берік болады деп сенемін.
