Түркістан облысының әкімі Нұралхан Көшеровтың тапсырмасымен өңірде ауқымды инвестициялық жобалар мақұлданып, оларды іске асыру жұмыстары жүйелі түрде жалғасуда. Бұл бастамалар облыстың экономикалық құрылымын жаңғыртуға, жаңа жұмыс орындарын ашуға, шетелдік және отандық инвесторлармен тиімді әріптестік орнатуға бағытталған. Осы ретте, өңірде ауқымды инвестициялық жобалар мақұлданып, іске асыру жұмыстары тұрақты жалғасып келеді. Облыс экономикасын әртараптандыру, инвестициялық әлеуетті арттыру және шетелдік компаниялармен ынтымақтастық орнату бағытындағы жұмыстар кезең-кезеңімен жүзеге асырылуда. Осы орайда, ҚХР-дың Қазақстандағы Төтенше және Өкілетті Елшісі Хань Чуньлинь бастаған ресми және бизнес делегация облыс орталығындағы өндірістік аймақтарды аралады.
Түркістан облысының кәсіпкерлік және өнеркәсіп басқармасының басшысы Нұржігіт Мырзахметов пен Түркістан облысының өнеркәсіп және индустриалды-инновациялық даму басқармасы басшысының міндетін атқарушы Қанат Шонбасов және сала мамандары шетелдік компания өкілдеріне өңірдің инвестициялық әлеуетін таныстырды.
Алдымен жұмыс тобы «Түркістан» индустриалды аймағы мен «Turan» арнайы экономикалық аймақтарында болды. Өндіріс алаңдарында орналасқан «Түркістан Текстиль» ЖШС-нің мақта-тоқыма кластері, құбыр шығаратын зауыт және бір реттік ыдыс өндіретін «Dala pack» кәсіпорнының жұмысымен танысты. Кәсіпкерлер зауыттардың құрылыс мүмкіндіктерін қарап, жұмыс жүйесін оң бағалады.
Аралау жұмыстары Түркістан маңындағы шағын өндірістік паркінде жалғасты. Мұнда инвесторларға өндіріс аймағының мүмкіндіктері таныстырылды. Оның ішінде жиһаз зауыттары, тоңазытқыш шығаратын кәсіпорын, есік және дрон шығаратын өндірістердің жұмыс барысы мен инфрақұрылым жүйесі көрсетілді. Сонымен қатар көкөніс сақтау қоймасы мен тамшылатып суару жүйелерінің жұмысы баяндалды. Инвесторларға жасалатын қолдау көрсету мүмкіндіктері де талқыланды.
Айта кетейік, әлемдік деңгейдегі компания өкілдері Түркістанда өткен халықаралық инвестициялық форумға қатысты. Форумда өңірдің дамуына серпін беретін бірнеше жобалар аясында ынтымақтастық меморандумдары жасалып, инвестициялық жобаларды жүзеге асыру бағыттары талқыланды.
Бұл форумның басты мақсаты – Түркістан облысының инвестициялық әлеуетін таныстырып, шетелдік компаниялармен экономикалық байланыстарды нығайту, өндіріс орындарын көбейту және кәсіпкерлік саласын дамыту болды.
Биыл жыл басынан бері 90-нан астам шетелдік компаниямен кездесулер өтіп, ҚХР, Иран және Өзбекстан елдеріне ресми сапарлар ұйымдастырылды. Жалпы облыста 2025-2028 жылдар аралығында 111 инвестжобалар пулы қалыптасқан. Жоба толық іске асқан жағдайда 23 915 жаңа жұмыс орнын ашу көзделген.
Инвестиция тарту, экономиканы әртараптандыру және шетелдік компаниялармен тиімді ынтымақтастық орнату бүгінде Түркістан облысының даму стратегиясының негізгі өзегіне айналып отыр. Мұндай саясат Мемлекет басшысы Қасым-Жомарт Тоқаевтың жыл сайынғы Жолдауларында айқындалған ұлттық басымдықтармен толық үйлеседі.
Президент өз Жолдауларында өңірлердің дербес дамуын қамтамасыз ету, олардың экономикалық әлеуетін ашу және инвестициялық климатты жақсарту мемлекеттің басты міндеттерінің бірі екенін бірнеше рет атап өтті. «Инвестиция тарту – әрбір әкімнің тікелей жауапкершілігі» деген Мемлекет басшысының сөзі бүгінде Түркістан облысында нақты іспен дәлелденіп келеді. Нұралхан Көшеров басқаратын өңірде инвестициялық жобаларды сүйемелдеу жүйесі жетілдіріліп, инвесторларға қолайлы жағдай жасауға басымдық берілуде. Бұл өз кезегінде отандық және шетелдік кәсіпкерлердің облысқа деген қызығушылығын арттырып отыр.
Түркістан облысының инвестициялық әлеуеті жоғары екені белгілі. Халық санының көптігі, еңбек ресурстарының жеткіліктілігі, ауыл шаруашылығы саласының дамығандығы, сондай-ақ географиялық орналасуы өңірді ірі инвестициялық жобалар үшін тартымды етеді. Мемлекет басшысы Қасым-Жомарт Тоқаев өз Жолдауларында ауыл шаруашылығын экономиканың негізгі драйверіне айналдыру қажеттігін ерекше атап өтіп келеді. Осы бағытта Түркістан облысында агроөнеркәсіп кешенін дамытуға, өнімді терең өңдеуге және экспорттық әлеуетті арттыруға бағытталған жобалар іске асырылуда. Бұл жобалар өңір экономикасын шикізаттық бағыттан арылтып, қосылған құны жоғары өнім өндіруге мүмкіндік беріп отыр.
Экономиканы әртараптандыру – Президент Тоқаевтың стратегиялық бағытының басты тармақтарының бірі. Мемлекет басшысы «Қазақстан экономикасы тек шикізатқа сүйенбеуі керек, біз өңдеу өнеркәсібін, өндірісті және инновацияны дамытуымыз қажет» деп нақты тапсырмалар берген. Түркістан облысында бұл бағытта өңдеу өнеркәсібі, құрылыс индустриясы, жеңіл өнеркәсіп және баламалы энергетика салаларында бірқатар ірі жобалар қолға алынуда. Мұндай жобалар өңір экономикасының тұрақтылығын арттырып қана қоймай, жаңа жұмыс орындарын ашуға, халықтың табысын көбейтуге ықпал етуде.
Шетелдік инвестиция тарту мәселесі де облыс басшылығының басты назарында. Президент Қасым-Жомарт Тоқаев Қазақстанның ашық әрі әділ инвестициялық саясат ұстанатынын, инвесторлардың құқықтары сенімді қорғалатынын үнемі айтып келеді. Осы саясат аясында Түркістан облысында Түркия, Қытай, Өзбекстан, Еуропа елдерінің компанияларымен бірлескен жобалар жүзеге асырылуда. Бұл жобалар жаңа технологиялар мен басқару тәжірибесін енгізуге, жергілікті кадрлардың біліктілігін арттыруға мүмкіндік беріп отыр. Сонымен қатар халықаралық әріптестік өңірдің әлемдік нарықтағы бәсекеге қабілеттілігін күшейтеді.
Инвестициялық жобалардың әлеуметтік маңызы да ерекше. Мемлекет басшысы өз Жолдауларында экономикалық өсімнің басты мақсаты – халықтың тұрмыс сапасын жақсарту екенін үнемі атап өтеді. Түркістан облысында жүзеге асырылып жатқан жобалар мыңдаған жаңа жұмыс орындарын ашып, әсіресе жастарды жұмыспен қамтуға оң әсерін тигізуде. Жаңа өндірістердің ашылуы өңір бюджетінің кірісін арттырып, әлеуметтік инфрақұрылымды дамытуға қосымша мүмкіндік беріп отыр. Бұл білім беру, денсаулық сақтау, тұрғын үй және жол салаларының дамуына тікелей ықпал етеді.
Түркістан қаласының облыс орталығы мәртебесін алуы да инвестициялық белсенділікті арттырған маңызды факторлардың бірі болды. Президент Қасым-Жомарт Тоқаев Түркістанды тек әкімшілік орталық қана емес, бүкіл түркі әлемінің рухани әрі мәдени орталығы ретінде дамыту жөнінде нақты тапсырмалар бергені белгілі. Осы тапсырмалар аясында туризм, қызмет көрсету және инфрақұрылым салаларында ірі инвестициялық жобалар іске асырылуда. Бұл жобалар өңірдің туристік әлеуетін арттырып, шағын және орта бизнестің дамуына жол ашуда. Түркістан облысында Нұралхан Көшеровтың тапсырмасымен жүзеге асырылып жатқан инвестициялық саясат өңірдің ұзақ мерзімді дамуына бағытталған маңызды қадам болып табылады. Бұл жұмыстар Мемлекет басшысы Қасым-Жомарт Тоқаевтың Жолдауларында айқындалған экономиканы әртараптандыру, инвестициялық климатты жақсарту және халықтың әл-ауқатын арттыру жөніндегі стратегиялық міндеттермен толық сәйкес келеді. Инвестиция тарту арқылы Түркістан облысы жаңа даму деңгейіне көтеріліп, еліміздің экономикалық өсіміне елеулі үлес қосып отыр.
