Түркістан облысында коронавирус инфекциясын жұқтыру жағдайы соңғы 2 аптада 79% төмендеді. Өңірде ақпан айының 28-і мен наурыздың 1-і күндері коронавирус инфекциясын жұқтырудың бірде-бір фактісі тіркелмеді. Бұл туралы Түркістан облысының Бас санитариялық дәрігерінің орынбасары Бақтыораз Елемесов бүгінгі брифингте мәлімдеді.
«Өңірде вакцинациялау жұмыстары белсенді жүргізілуде. Вирусқа қарсы екпенің 2 компонентін де алғандардың саны 1 045 240 яғни, 99,9% адамды құрады. Облыс аумағында 420 067 адам ревакцинацияланды»- деді Бахтыораз Мизамұлы.
Сондай-ақ, бұған дейін тәжірибелер көрсеткендей мереке күндерінен соң эпидемеологиялық жағдай нашарлайды. Сондықтан облыстың Бас санитариялық дәрігерінің орынбасары тұрғындарды карантин режимін сақтауға, әлеуметтік ара-қашықтық пен бетперде тағу сынды санитариялық талаптарды сақтауға шақырады.
