Түркістан облысының ауыл шаруашылығы саласы ел экономикасының тұрақты өсуіне ықпал етуде

258

Түркістан облысы ауыл шаруашылығы саласында айтарлықтай жетістіктерге жетіп, ел экономикасына елеулі үлес қосуда. Өңірдің агроөнеркәсіптік кешені жалпы өңірлік өнімнің 30%-ын құрап, әлеуметтік-экономикалық дамудың негізгі драйвері болып табылады. Түркістан облысының ауыл шаруашылығы саласы ел экономикасының тұрақты өсуіне ықпал етіп, азық-түлік қауіпсіздігін қамтамасыз ету, жаңа жұмыс орындарын ашу және экспорт әлеуетін арттыру бағытында маңызды рөл атқарып отыр. Жаңа технологияларды енгізу, инвестициялар тарту және мемлекеттік бағдарламаларды тиімді жүзеге асыру арқылы өңірдің агроөнеркәсіптік кешені одан әрі дамып, елдің әлеуметтік-экономикалық жағдайын жақсартуға ықпал етеді.

Бүгінде,Сауран ауданында ауылшаруашылығы саласында 2025 жылдың басынан бері 6,8 млрд теңгенің өнімі өндірілген. Жыл соңына дейін бұл көрсеткішті 102 млрд теңгеге жеткізу көзделіп отыр. Осы мақсатта өңірде биыл құны 16,4 млрд теңгені құрайтын 13 ірі инвестициялық жоба жүзеге асырылмақ. Бұл жайында Сауран ауданының әкімі Мақсат Таңғатаров мәлімдеді.
«Ауданға қарасты Шаға ауылдық окугінде келесі жылы «Eco-Chiken» ЖШС жұмысын бастамақ. Ет бағытындағы құс фермасының жоба құны 2,5 млрд теңгеге бағаланып отыр. Өндіріс орны толық іске қосылған соң тек облыс көлемінде ғана емес, еліміздің түкпір-түкпіріне құс етін эспорттауға мүмкіндік туады. Сонымен қатар, «Ақ Сауран» ЖШС-ң құны 1,5 млрд теңгені құрайтын 700 гектар аумаққа жаңбырлатын суару қондырғысын орнату жобасы да жыл соңына дейін аяқталады деп күтілуде. Бұдан бөлек, бірнеше ірі мал бордақылау алаңдары мен жылыжай кешендері өңірдегі ауылшаруашылығы саласының дамуына өзіндік үлесін қосарына күмән жоқ»- деді аудан басшысы.
Сонымен қатар Мақсат Асылбекұлы өңірлік өнім көлемін артыру мақсатында, ауданның 2030 жылға дейін 3 бағыт бойынша даму жоспары әзірленгенін жеткізді. Жоспарға сәйкес, аталған мерзімге дейін жалпы құны 209,3 млрд теңгені құрайтын 254 инвестициялық жобаны іске асырып, 4 162 жаңа жұмыс орнын құру көзделген. Ал, 2025 жылдың соңына дейін медициналық жиhаз, тұрмыстық химиялық өнімдер, құрылыс материалдарын, тамақ өнімдерін шығару және басқа да тауарлар өндіретін 30 өндірістік орын ашылады. Салынатын инвестиция көлемі 100 млрд.теңгені құрап, 1 500 жаңа жұмыс орны ашылады деп күтілуде.
Аудандағы тарихи нысандарға келуші туристер де жыл санап артып келеді. Өткен жылдың қорытындысымен өңірде қонақ болғандар саны 100 мың адамға жуықтаған. Жалпы Сауран ауданында 54 тарихи нысан орналасқан. Оның ішінде, 3 нысан республикалық маңызға ие. Саланы әрмен қарай дамыту мақсатында биыл жалпы құны 5,3 млрд теңгені құрайтын 9 инвестициялық жоба жүзеге асады. Нәтижесінде 164 адам жұмыспен қамтылмақ. Сонымен қатар, Үшқайық ауылдық округіндегі минералды су көздерін тиімді пайдалану мақсатында емдік сауықтыру және демалыс аймағын құруға 20 гектар жер телімі белгіленді. Алдағы уақытта 14 жоба іске асырылып, 5 млрд теңге инвестиция тартылады.
Сонымен қатар аудан әкімі өңірдегі инфрақұрылым саласындағы оң өзгерістерге де тоқтала кетті. Бүгінгі таңда ауданға қарасты 33 елді мекеннің 32-сі ауыз су құбырларымен қамытылған. Өткен жылы 14 елді мекеннің ауыз су жүйелеріне ағымдағы жөндеу жұмыстары жүргізілсе, биыл Ескі Иқан, Жүйнек, Қазақстанның 30 жылдығы, Егізқара елді мекендерінің ауыз су жүйелері ретке келтіріп, 24 сағат ауыз сумен қамтылатын болады. Ал, электр жүйесімен қамту бағытында 2024 жылы жергілікті бюджет есебінен 56 дана трансформаторлар ауыстырылған. Сондай-ақ, «Оңтүстік Жарық Транзит» ЖШС-і есебінен 17 шақырымды құрайтын электр желілері ауыстырылып, 4 дана трансформатор орнатылды. Биыл бюджет есебінен қосымша 12 трансформатор орнатылады. Ал, «Оңтүстік Жарық Транзит» ЖШС-і есебінен 5 трансформатор орнатылса, 13 шақырым электр желілері ауыстырылады. Өңірдегі табиғи габен қамту көрсеткіші 43,3 пайызға жеткен. Жыл соңына дейін қосымша 1 790 абонент қосылып, 45,6 пайыз аудан тұрғындары көгілдір отынды тұрақты пайдалануға мүмкіндік алады.
Ауыл шаруашылығының экономикаға әсері — бұл сала мемлекеттердің әлеуметтік-экономикалық дамуы үшін маңызды рөл атқаратын негізгі факторлардың бірі. Қазақстан жағдайында ауыл шаруашылығы – экономиканың басым бағыттарының бірі ретінде халықты азық-түлікпен қамтамасыз етіп қана қоймай, жұмыс орындарын ашу, экспортты ұлғайту және ауыл инфрақұрылымын дамытуға ықпал етеді.Ауыл шаруашылығы — экономиканың тұрақтылығы мен ауыл халқының әл-ауқатын қамтамасыз ететін стратегиялық сала. Бұл сектор:азық-түлік өндіреді;халықты жұмыспен қамтиды;экспорттық кіріс әкеледі;өңірлік теңгерімді дамуға мүмкіндік береді;
мемлекет экономикасының әртараптануына ықпал етеді.
Мемлекеттік қолдау, инновациялық технологиялар және инвестициялар есебінен бұл саланың әлеуеті одан әрі кеңейіп, елдің экономикалық өсуіне ұзақмерзімді негіз бола алады.