Қай мемлекеттің болмасын ең басты байлығы ол – халқы. Сол халықтың салауатты өмір сүруі үшін, ең бірінші байлығы денсаулық болса, денсаулықтың негізі – спорт екені баршамызға мәлім.
Осы орайда бүгін волейболдан ересектер арасында Түркістан облысының ІV Спартакиадасының ашылу салтанаты өтті. Спорттық шараның мақсаты облыста волейбол спортын жастар арасында бұқаралық дамуына үлес қосу, ауылда тұратын жастардың шеберлігін шыңдауына жағдай жасай отырып патриотизмді қалыптастыру болып табылады.
Салтанатты жиында сөз алған аудан әкімінің орынбасары Айдос Құлмаханов қасиетті өңірімізде жастар мен жасөспірімдерді салауатты өмір салтына баулу, бұқаралық спортты дамытуда аудандық дене шынықтыру және спорт бөлімі мен спорт мектептерінің рөлі орасан зор екенін атап өтті. Ол сөз сөзінде: Волейболдан ересектер арасында Түркістан облысының ІV Спартакиадасының ашылуымен шын жүректен құттықтаймын. Спорт – мемлекеттің мәртебесін, ұлттың намысын айқындайтын көрсеткіш. Өркениеттің ордасы саналған – бүгінгі Отырарда Түркістан облысының чемпионатын өткізіп отырған ұйымдастыру алқасы Түркістан облысының дене шынықтыру және спорт басқармасына алғыс айта отырып, барлықтарыңызды ұлт саулыған қалыптастыруға, бұқаралық спортпен тұрақты шұғылдануға шақырамын!» – деді.
Сондай-ақ облыстық спартакиданың ашылуына арнайы келген Түркістан облысы дене шынықтыру және спорт басқармасы басшысының орынбасары Байжан Өкшебаев та жастарды спортқа баулу және бұқаралық спортты дамытуда бүгінгі шараның алар орны ерекше екенін атап өтті. Мұнан соң бас төреші Жолдасбек Сарсенбеков жарысқа қатысушыларға жарыстың өткізілу тәртібін түсіндіріп, командаларға сәттілік тіледі.
Айта кету керек облыстық сайысқа облысымыздың барлық қала, аудандарының құрама командалары қатысуда.
