Жетісу облысында өтіп жатқан IV ауыл спорты ойындарында тоғызқұмалақтан жарыс қорытындысы нәтижесінде I орынды 29 ұпаймен Қызылорда облысы, II орынды 28,5 ұпаймен Түркістан облысы, ал III орынды 28 ұпаймен Алматы облысы иеленіп, алғыс хаттармен марапатталды.
Баскетболдан жастар арасында 28 ұпаймен Түркістан облысының құрама командасы жеңімпаз атанды. 2-орын 26 ұпаймен Қостанай командасына бұйырды. Жүлделі 3-орынға 24 ұпаймен Жетісу облысының командасы тұрақтады.
Сонымен қатар, бүгін асық атудан 14 ұпаймен Түркістан облысының командасы жеңімпаз атанды. Алматы облысының командасы 13 ұпаймен 2-орынды, Павлодар облысының командасы 12 ұпаймен 3-орынды жеңіп алды.
Айта кетейік, жазғы ойындардың мақсаты – ауылдарда бұқаралық спортты дамыту, өңірлердегі дарынды спортшылардың көзге түсуіне жағдай жасау, ел президенті Қасым-Жомарт Тоқаевтың халық арасында салауатты өмір салты мен бұқаралық спортты дамыту туралы Жолдауын іске асыру.
