Төлеби ауданының 90-жылдық мерейтойына орай бекітілген іс-шара жоспарына сәйкес, аудандық ішкі саясат бөлімі «Жастар ресурстық орталығы» -нің ұйымдастыруымен «Көшпенділер ойыны» өтті.
– AMANAT партиясының сайлауалды уәделерді орындау бойынша Жол картасының индикаторларын орындау бағдарламасының 3,4,11 тармағына сәйкес, ұлттық спортты дамытуға арналған сайыс Төлеби жерінде екінші рет өткізілді. Қазақтың ұлттық ойындарын дәріптеу бағытындағы жарысқа Түркістан облысынан 14 пен 29 жас аралығындағы жастар арасынан 13 команда, 200-ге жуық спортшы қатысты. Сайыста жамбы ату, асық ату, қошқар көтеру, аударыспақ, тоғызқұмалақ, қазақ күресі, арқан тартыс қазақ халқының ұлттық ойындары ойнатылды, – деді Төлеби аудандық мәслихат хатшысыН.Қойбағаров.
Бұл сайыстың басты мақсаты – жастарға ата бабамыздан бізге жеткен баға жетпес байлығымыз, асыл қазынамыз ұлттық ойынды насихаттап, олардың денсаулықтарын шыңдай түсуге ықпал ету және ұлттық ойындар арқылы белсенділікке, тапқырлыққа, көрегенділікке, күштілікке тәрбиелеу болып табылады.
Жастардың бойына патриоттық сезім қалыптастырып, қазақ халқының ұлттық ойынын салт-дәстүрін, әдет-ғұрпын дәріптеуді көздеген сайысқа қатысушылар арасында жеңімпаз атанғандар бағалы сыйлықпен марапатталды.
