2022 жыл – Балалар жылы аясында Ордабасы ауданында «Шаңырақ» жастар мен жас отбасыларды қолдау орталығы» қоғамдық бірлестігінің ұйымдастыруымен «Мен өмірге құштармын!» аудандағы мүмкіндігі шектеулі балалар арасындағы мәдени шығармашылық байқауы өтті. Байқау Ордабасы аудандық ішкі саясат бөлімі» мемлекеттік мекемесінің қолдауымен ұйымдастырылды.
Екі кезеңнен тұратын байқауда дарынды балаларымыз қол өнер, сурет салу, би билеу, ән айту сияқты өнерлерімен әділ қазыларды тәнті етті.
Байқау қорытындысы бойынша 1-орынды Бөржарлық ерекше талантты 11 жасар Жаманбаев Шоқан, 2-орынды Шұбарсулық Серік Балзия, 3-орынды Жеңіс ауылының тұрғыны Алтай Айгерім иеленді. 1-орынға – 50 мың теңге, 2-орынға – 30 мың теңге, 3-орынға – 20 мың теңге сыйақы және диплом, ал қалған қатысушыларға қатысқаны үшін алғыс хат және 10 мың теңгеден ынталандыру сыйақылары табысталды.
