Бүгінгі таңда Сайрам ауданы Қарабұлақ ауылында «Сапа» медицина орталығы жұмыс істеуде. Меншік иесі У.Нишанкулов жеке қаржысынан 200 млн. теңге қаржы жұмсаған. Үш қабатты орталық қажетті медициналық құрал-жабдықтармен жабдықталған.
Мұнда күніне 50-70 науқас қабылдануда. 2022 жылдың қаңтар айында іске қосылған нысанда 40-қа жуық медицина және өзге де қызметкер қызмет етуде. Бірнеше емдеу бөлмелері қарастырылып, тұрғындарға сапалы медициналық қызмет көрсету түрлері көзделген. Жұмысшыларының орташа айлық-жалақылары 100 мың теңге көлемінде төленеді.
Сондай-ақ жеке кәсіпкердің өз есебінен 25 млн. теңге қарастырып, жергілікті тұрғындар үшін спорт ғимаратын ашқан. «BARUS» спорт кешенінде 5 адам жұмыспен қамтылған. Олардың орташа айлық-жалақылары 80 мың теңгені құрап отыр. Күнделікті спортпен шұғылдануға 30-40 тұрғын келеді. Волейбол спорт түрі және өзге де денсаулыққа пайдалы спорт құрал-жабдықтарымен жабдықталған.
