Таңмен таласа сайлау учаскесіне келген отырарлық сайлаушылар, өз таңдауын жасап, дауыстарын беруде. Ертеңге деген үміт пен сенім жетелеген тұрғындар сайлау науқанының маңыздылығын жақсы түсінеді. Сондықтан да бүгінгі шараға бей жай қарамай белсенділік танытып жатыр.
Тіпті отбасы мүшелерімен бірге келіп, алғаш рет дауыс беріп жатқан тұрғындар кездеседі.
Бүгін таңғы сағат 7-ден бастап аудан аумағындағы 40 сайлау учаскесінде еліміздің әнұраны шырқалып, ресми түрде өз жұмысын бастады. Сонымен қатар алғашқы келген сайлаушыларға сыйлықтар таратылды.
Барлық сайлау учаскелері интернет, байланыс телефоны, бақылау камералармен, қосымша электр көздерімен және арнайы басқада құрал жабдықтармен толық қамтылған.
Айта кетейік, сайлау учаскелері таңғы сағат 7.00-ден кешкі сағат 20.00-ге дейін жұмыс істейді.
