Республикалық «Рухани жаңғыру» бағдарламасы аясында ұлттық руханиятты көтеруге бағытталған жобалар байқауы өтті. Сайысқа 300-ге жуық жоба ұсынылып, 33 жоба үздік деп танылған. Оның ішінде, екеуі Қ.А.Ясауи атындағы ХҚТУ-ң «Рухани жаңғыру» орталығының жетекшісі Әдемау Толысбаева ұсынған жобалар. Бұл туралы брифингте Түркістан облыстық «Рухани жаңғыру» жобалық кеңсесінің басшысы Айдар Сейдазым мәлімдеді.
![](https://aptamedia.kz/wp-content/uploads/2022/02/273635025_1110891972992418_495380036229670642_n.jpg)
Қос жоба да жалынды жастардың тұлға болып қалыптасуына оң ықпалын тигізуге бағытталған. Оның іс жүзінде жүзеге асырылуы «Жастар ресурстық орталығы» жұмысын жандандыруға септігін тигізбек.
![](https://aptamedia.kz/wp-content/uploads/2022/02/273611357_1110892279659054_3130137031977348848_n.jpg)
«Түркістан облысында өткен жылы «Рухани жаңғыру» бағдарламасы аясында 1 мыңнан аса шара өтті. Туған жер» арнайы жобасы аясында Түркістан қаласындағы «Бекзат» мөлтек ауданы азаматтарының көпке үлгі екендігін атап өткім келеді.
![](https://aptamedia.kz/wp-content/uploads/2022/02/273673999_1110892079659074_2874208227203687932_n.jpg)
Бірнеше жылдан бері түлектердің 20 жылдық кездесу кештері қаржысын қайырымдылыққа жұмсау дәстүрге айналған. Облыс көлемінде қолдау тапқан ізгі амал – мектепке спорттық алаңша салып беру, аз қамтылған отбасыларға қолдау білдіру, баспана кілтін табыстау сынды сауабы мол амалдарға себепші. Кәсіпкерлердің де жобаға қолдауы ерекше», – деді Айдар Бастарбекұлы.
![](https://aptamedia.kz/wp-content/uploads/2022/02/273655388_1110892339659048_8582923446820713483_n.jpg)
![](https://aptamedia.kz/wp-content/uploads/2022/02/273617874_1110892159659066_1146605081370721497_n.jpg)
Айта кетейік, «Рухани жаңғыру» – ұлттық кодты дәріптеуге көзделген жоба. Бұл бағытта жобалық кеңсе мамандары тарапынан жоспарлы кестеге сай тиісті жұмыс атқарыла бермек.
Түркістан облысының Өңірлік коммуникациялар қызметі