ТҮРКІСТАН: ҚҰРЫЛЫСТЫҢ САПАСЫНА МӘН БЕРІЛДІ

210

Қазығұрт ауданының әкімі А.Абдуллаев аудандағы салынып жатқан құрылыс нысандарын аралап, жұмыс барысын көріп шықты. Алдымен КХ-48 Қазығұрт-Тұрбат-Өндіріс бағытындағы облыстық маңызы бар автомобиль жолының құрылысы, КХ-88 Шарбұлақ-Ақбастау-Қарабау-Амангелді бағытындағы су өткел көпірінің ағымдағы жөндеу жұмысын аралап көрді.

Содан соң КХ-48, КХ-88 автомобиль жолдарының орта жөндеу жұмыстарының барысын бақылады. Тұрбат ауыл округіндегі Тастақсай өзені арқылы өтетін автожол көпірінің күрделі жөндеу жұмыстарын және Қотырбұлақ магистраль жанынан су қойма орнату құрылыс жұмыстарын бағамдады. Құрылыс нысандарында болған аудан басшысы жауапты мердігер компания мамандарына құрылыстың сапалы жүргізілуін және белгіленген мерзімде аяқталуын тапсырды.

Сондай-ақ, жоспарланған жұмыстардың оң бағытта жүзеге асуы үшін бірқатар бөлім басшыларына атқарылып жатқан жұмыстарды жіті назарда ұстау керектігі жөнінде тапсырма беріп, алдағы уақытта оның нәтижесі сұралатынын ескертті.

Аудан әкімі Арман Абдуллаев Қызылқия, Қақпақ ауыл округтеріне жасаған жұмыс сапары барысында бірқатар құрлыс нысандарын аралап, олардың ахуалын бақылап қайтты. Құрылыстың қай-қайсысы болса да сапалы әрі уақытылы атқарылуы керектігін айтып, мердігер мекемелердің мамандарына ескерту жасады.

Алдымен аудан әкімі Қызылқия ауыл округіне қарасты Ынталы елді мекеніндегі электр жүйелерінің құрылыс нысанын аралап көрді. Содан соң Айнатас 2 елді мекеніндегі кірме жолдың құрлысымен танысты. Келесі нысан КХ-45 Айнатас-Қақпақ облыстық маңызы бар автомобиль жолының құрлысын бағамдады. Сырлысай елді мекеніндегі 200 орындық мектептің құрылысымен көшелердің шағал төсеу барысын аралап шықты.