ТҮРКІСТАН: САЙЛАУҒА КЕЛГЕН КЕНТАУЛЫҚТАРҒА НАУРЫЗ КӨЖЕ МЕН БАУЫРСАҚ ТАРАТЫЛЫП ЖАТЫР

124
 
Кентау қалалық ардагерлер ұйымы жанынан құрылған “Әжелер алқасының” төрайымы Роза Жұмабаева бастаған ақ әжелер, сайлау учаскесіне келіп көпшілікті Наурыз мерекесімен құттықтады.
Сайлау учаскесіндегі бақылаушылар мен дауыс берушілерге ұлттық тағамдар таратты. Ақ кимешек киіп, ұлттық құндылығымызды дәріптеген аналар көпшілікке наурыз көже, бауырсақ, құрт-ірімшік үлестірді.
“Баршаңызды бүгінгі еліміз үшін маңызды сайлаудың бастау алуымен және Наурыз мерекесімен құттықтаймын. Ел үшін қызмет ететін адамдарды таңдау, ел болашағының жарқыны. Сол себепті де бұл күн маңызды, әрі еліміз үшін мереке. Елімізде тек жақсылықтар орнасын”, деп Роза әжей ақ батасын берді.
Айта кетейік, Кентау қаласында 35 сайлау учаскесі жұмыс істеуде. Жалпы, 56 172 сайлаушы дауыс береді деп жоспарланған.