Сайрам ауданына қарасты Қарамұрт ауылдық округінде жаңа шаңырақ көтеріп, үлкен өмірге қадам басып жатқан жас отбасы Махсутхан Матлабханов мен Маржана Пирназарова еліміздегі елеулі науқанға қатысып, бірге таңдауларын жасады.
«Бүгінгі сайлау – халықтың болашағын айқындайтын маңызды саяси науқан. Мұнда барлығы дұрыс таңдау жасап, өзі қалаған үміткерге ерікті түрде дауыс бере алады. Біз де бүгін ел болашағы үшін дауыс бердік. Бір қызығы – сайлау күні біз де үлкен өмірге қадам басып, шаңырақ көтеріп жатырмыз. Бұл күн – өміріміздің жарқын сәттері болып қала бермек», – дейді Махсутхан Матлабханов.
Сондай-ақ, Көлкент ауылдық округінде әжелер мен сайлау құқығына ие болған жас сайлаушылар да бұл мүмкіндікті қалт жібермей, өздерінің азаматтық борышын абыроймен орындады.
Сайрам ауданында 11 округ бойынша 89 сайлау учаскесі орналасқан. жалпы сайлаушылар саны 134239 адамды құрайды. Оның ішінде ең көп сайлаушылар Қарабұлақ ауылдық округінде тіркелген. Нақты айтқанда, 15 сайлау учаскесінде 29640 адам Барлық сайлау учаскесі өз жұмысын таңғы сағат 07.00-де бастап жүргізуде.
