Мемлекет басшысы Қасым-Жомарт Тоқаев ауылдарды дамыту жөнінде нақты тапсырма берген болатын. Бұл орайда, биыл елімізде халықтың табысын арттыру бағдарламасын орындау мақсатында «Ауыл аманаты» жобасы жүзеге асырыла бастады. Осы бағытта Сарыағаш ауданында Ауыл аманаты» пилоттық жобасының VI бағытын түсіндіру және жылыжай шаруашылығының қысқы жылыту маусымына дайындығы бойынша Жартытөбе ауылдық округі тұрғындармен кездесу өтті. Кездесуге ауданның кәсіпкерлік және ауыл шаруашылығы бөлімінің басшысы А.Амирханов қатысып, ауылдық округ тұрғындарына аталған пилоттық жобаны жүзеге асыру бойынша атқарылып жатқан жұмыстардың барысын баяндады. Сонымен қатар, жылыжай шаруашылығымен айналысушы азаматтарға қазіргі уақытта қысқы маусымға қажетті көмірді жинап алу қажеттігі түсіндірілді. Жобаның негізгі мақсаты – ауылдық елді мекендердегі жұмыссыздықты және атаулы әлеуметтік көмек алушылар санын азайту. Өзін-өзі қамтушыларды заңдастыру. Ауылдық елді-мекендерде жаңа жұмыс орындарын құру, мал мен құстың санын көбейту, шағын кәсіпкерлікті ашу арқылы халықтың табысын арттыру және азық-түлік қауіпсіздігін қамтамасыз ету болып табылады. Айта кетсек, жобаны іске асыруда бірінші кезекте жеке қосалқы шаруашылықтарды кооперативтер негізінде дамытуға басымдылық берілуде. Сондай – ақ, жобаның VI бағыты бойынша шағын өндіріс орындарын және қызмет көрсету орталығын ашуға ниетті азаматтар несие алуға өтініш бере алады.
Одан бөлек, аудан әкімі Арман Абдуллаев Сарыағаш қаласы, А-15 Республикалық маңызы бар тас жолының бойындағы жасыл екпелерді суғару жүйесін құру жұмыстарының барысын арнайы барып көрді. Айта кетсек, бүгінгі күнге дейін А-15 тас жолының бойында егілген жасыл екпелерді күтіп ұстау жұмыстары арнайы техникалармен тасымалдап суғару арқылы жүргізіліп келуде. Суғару жұмыстарының тиімділігін арттыру мақсатында, қазіргі таңда Рамадан каналының бойына су насостарын орнату және А-15 тас жолының бойында суғару жүйесін құру жұмыстары жүргізілуде. Аудан басшысы Арман Абудллаев жұмыс барысын аралау кезінде тиісті жұмыстарды атқару барысында тұрғындар мен көліктердің қозғалысына ыңғайсыздық туғызатын бөліктерді дер кезінде қалпына келтіру қажеттігі жөнінде ескертпелер айтты.
Аудан әкімі Арман Абдуллаевтың жұмыс жоспарына сәйкес әр екі апта сайын құрлыс жұмыстарының басында болып, құрылыс қарқыны мен сапасын тексеру жоспарланған.
Осыған орай, бүгін аудан әкімі Арман Абдуллаев Сарыағаш қаласындағы апаттық жағдайдағы №2 А.Сүлейменов атындағы жалпы орта мектебінің ғимаратын бұзу жұмыстарының барысымен танысты. Айта кетсек, аталған мектептің ғимараты апаттық жағдайда болуына байланысты бүгінгі таңда апатты ғимаратты бұзу жұмыстары жүргізілуде. Алдағы уақытта мердігер мекеме анықталған соң, «Жайлы мектеп» жобасы аясында 300 орындық мектеп ғимараты салынатын болады. Құрылыс жұмыстарының басында болған аудан әкімі Арман Абдуллаев аудан әкімінің орынбасары Н.Талиповқа мектеп ғимаратын бұзу жұмыстарын тездете отырып, жаңа мектепке арналған жерді құрылысты бастауға дайындауды тапсырды.
Сонымен қатар, аудан әкімі Жартытөбе ауылдық округі аумағындағы ұзындығы 3 шақырымды құрайтын «Ескі құлақ» каналын механикалық тазалау жұмыстарының барысын бақылап қайтты. Бұл жұмыстар су беру маусымында өз тиімділігін көрсетіп, егістікке баратын ағын су шығынын азайтуға мол септігін тигізбек. Бүгінгі таңда аталған канал облыстық «Тұран су» мемлекеттік коммуналдық кәсіпорны және Сарыағаш аудан әкімдігімен біргелікте механикалық тазалаудан өткізілуде.
Ағымдағы жылы аудан көлеміндегі егістік жерлерді ағын сумен қамтамасыз етілуін жақсарту мақсатында 163 шақырым су нысандарын механикалық тазалаудан өткізіу жоспарлануда.
Аудан әкімі Арман Абдуллаев Дербісек ауылдық округі, Дербісек елді мекенінде жаңадан салынып жатқан 900 орындық мектептің құрылыс жұмыстарымен танысты.
Айта кетсек, аталған мектепке елді мекен шегіне енген 70 га жерден «Жайлы мектеп» құрылысын жүргізу үшін 3 га жер телімі ажыратылып, құрылыс жұмыстарына «Самұрық-Қазына» акционерлік қоғамы тарапынан қаржы бөлінген. Қазіргі таңда мектептің құрылыс алаңының жерлерін тегістеу жұмыстары жүргізілуде.
Құрылыс жұмыстарының басында болған аудан әкімі Арман Абдуллаев мердігер мекеме өкіліне құрылысты жобаға сәйкес мерзімінде жүргізіп, құрылысты сапалы аяқтауды тапсырды.
Аудан әкімі Арман Абдуллаев Құркелес ауылдық округіне арнайы барып, Береке елді мекенін таза ауыз су және табиғи газбен қамтамасыз ету бойынша ауыл тұрғындарымен кездесті. Кездесу барысында тұрғындар бүгінгі таңда ауыз су елді мекендегі өзекті мәселеге айналғанын айтып өтіп, табиғи газ бойынша өз ойларын ортаға салып, ұсынып-пікірлерін жеткізді. Ауыл тұрғындарын мұқият тыңдаған аудан әкімі Арман Абдуллаев алдағы аптада елді мекенді таза ауыз су және табиғи газбен қамтамасыз ету мақсатында мердігер мекеме тарапынан құрылыс жұмыстары басталатынын айтып, тұрақты түрде өз бақылауында ұстайтынын жеткізді.
Сарыағаш ауданы Құркелес ауылдық округі, Ақ үй елді мекенінің тұрғыны Б.Жанұзақов бүгінгі таңда ерекше құс түрлерін өсірумен айналысуда. Осы күнге дейін түйеқұс біздің аудан үшін таңсық құс болатын. Аталған құс түрін қазір Б.Жанұзақов алғашқылардың бірі болып өсіруді қолға алған. Сонымен қатар, сүйікті ісі құс шаруашылығы болғандықтан бөдене, бүркіт, үкі, кептер, тотықұс, тауыс (павлин) құстарын бағумен де айналысып жатыр. Қазіргі таңда сырттан әкелінген құстарды Б.Жанұзақов жерсіндіріп, қолға үйретті. Кәсіпкердің айтуынша түйеқұс өсіру еш қиындық тудырмайды, тек оны күтіп-бағудың жолын меңгеріп алсаң болғаны.
Ал, одан түсетін пайда көп. Оның терісі, тұяғы, тұмсығы әсіресе еті нарықта үлкен сұранысқа ие. Өйткені, етінің құрамында май мен холостерин аз болғандықтан өте өтімді. Бойы 2-3 метр келетін түйеқұс 100-150 кг дейін ет береді. Бір маусымда 120 жұмыртқа табатын түйеқұстар табиғи жем шөбі, күтімі болса 80-100 жыл өмір сүреді. Жұмыртқасының салмағы 3-3,5 кг. Айта кетсек, аудан тұрғыны Б.Жанұзақов құс өсірумен қатар, марал, бұғы және қоян бағумен де айналысуда.
Түркістан облысының әкімі Дархан Сатыбалды аудан, қала әкімдеріне инвестиция тарту арқылы жаңа жұмыс орындаруын құру бағытында берілген тапсырмаға сәйкес аудан әкімі Арман Абдуллаев Сарыағаш ауданнының кәсіпкерлерімен бірге Қытай Халық Республикасына арнайы іс-сапармен жолға аттанды. Аталған іс-сапардың негізгі мақсаты – ауданның экономикалық дамуы бойынша халықаралық тәжірибе жинақтап, Сарыағаш ауданына енгізу, халықтың әл-ауқатын көтеру, ірі кәсіопорындарын ашу болып табылады.
Іс-сапар бағдарламасына сәйкес, делегация жұмыс жоспары алғашқыда Урумчи қаласында орналасқан минералды тыңайтқыш өндіретін зауыттың тарихымен және өндіріп жатқан өнімнің жетістіктерімен тансудан бастау алды, келесі бағыт әр түрлі тамақ өнеркәсібіне арналған құрал-жабдық жасап шығаратын зауытқа барып өнімдерімен танысып, құрал-жабдықтардың тізімімен бағаларын алу. Әрі қарай, күніне 25 дана ауыл шаруашылығы техникасын жасап шығаратын зауыттың жұмысымен танысу. Содан соң, Түркістан облысынан келген делегация Чжэнчжоу қаласында бизнес өкілдерімен кездесіп, кәсіпорын жұмыстарымен танысады.
