Түркістан облысының жолаушылар көлігі және автомобиль жолдары басқармасының тапсырысымен Сауран ауданында жалпы 130 шақырымды құрайтын 7 облыстық маңызы бар жолға орташа жөндеу жұмыстары жүргізілуде.
Атап айтқанда, Жүйнек (13,9 шақырым), Ынталы (20 шақырым), Түркістан-Қарнақ (21 шақырым), Бабайқорған-Кентау (38,7 шақырым) бағыттарындағы елді мекендерді жалғайтын автомобиль жолдарында асфальт салу жұмыстары қарқынды жүруде. Сондай-ақ, Кентау-Ойық (31,6 шақырым), Шорнақ (4,2 шақырым) бағыттарындағы елді мекендерді жалғайтын автомобиль жолдарын орташа жөндеуден өткізу үшін мемлекеттік сатып алу рәсімдері жүруде. Мердігер мекемелер анықталғаннан кейін жол жөндеу жұмыстары басталатын болады.
Қазіргі таңда өндірістік кестеге сәйкес жалпы 63 шақырым жолдың асфальтобетон жамылғысы жаңартылды. Ағымдағы жылы бөлінген қаржыға сәйкес 4 нысанды немесе 76,8 шақырым жолды толық пайдалануға беру жоспарланған. Жүргізіліп жатқан жұмыстардың сапасына тапсырыс беруші, техникалық қадағалаушы «Оңтүстік жолдары» МКК және «Ұлттық жол активтері сапасы орталығы» РМК Түркістан облысы филиалы тарапынан тұрақты түрде бақылауға алынған.
