ТҮРКІСТАН: САУРАН АУДАНЫНДА АҒЫН СУ МӘСЕЛЕСІ ШЕШІМІН ТАПТЫ

358

Құрылғанына жыл толған Сауран ауданы тұрғындар мен шаруалардың қордаланған мәселесін шешуге күш салуда. Жаңа аудан ауыл шаруашылығы саласын басты бағыты етіп, жыл ішінде осы сала бойынша жоғарғы көрсеткіш көрсетті. Аудан әкімі Ғани Рысбеков шаруаларға қолайлы жағдай жасауды алдыңғы кезекке қоюда.

Сауран ауданы Жүйені ауылдық округіндегі шаруалар ағын су мәселесін көтерген болатын. Өзекті мәселені шешу бойынша қазіргі таңда Кентау қаласына қарасты Қарнақ ауылындағы «Ырмақ-су» қоймасынан бастау алатын ағын судың арнасы мен бұлақ көздері Түркістан облысының ауыл шаруашылығы басқармасына қарасты “Тұран Су” ШЖҚ МКК-нің теңгеріміне өтуде.

Сауран ауданы Жүйнек ауылдық округінде ағын су жүретін арық арнасы мен бұлақ су көздері жөнінде Түркістан облысының ауыл шаруашылығы басқарма басшысының орынбасары Т.Оспанов, Сауран ауданының әкімі Ғ.Рысбеков, Кентау қаласының әкім орынбасары Ғ.Үсенбаев, Сауран ауданы прокуратурасының прокуроры А.Сағынбек және тиісті мекемелердің мамандары мен ауылдық округінің шаруаларымен кездесу өтті.

Кездесуде Сауран ауданының әкімі Ғ.Рысбеков Кентау қаласына қарасты Қарнақ ауылындағы «Ырмақ-су» қоймасынан бастау алатын ағын су жүретін арық арнасы мен бұлақ су көздерін Түркістан облысының ауыл шаруашылығы басқармасына қарасты “Тұран Су” ШЖҚ МКК-ның теңгеріміне өткізу мақсатында, Сауран ауданы мен Кентау қаласы әкімдігі тарапымен бірлесе отырып, жұмыстар жүргізіліп жатқандығын айтып өтті.

«Жаңа Қазақстан құру жолында әр сала бойынша оң өзгерістер жасап, тұрғындар мен кәсіпкерлерге, шаруаларға қолайлы жағдай тудыруды алдыңғы кезекке қоюымыз керек. Ағын су жүйнектік шаруалардың ең өзекті мәселесі еді. Біз бұл мәселенің де шешу жолын таптық»,- деді аудан әкімі.

Қазіргі таңда, Кентау қаласы әкімдігінің тарапынан ағын су арнасы мен бұлақ көздеріне мемлекеттік акт алу үшін ситуатциялық сызба әзірленіп, тиісті жұмыстар жүргізілуде. Ал Сауран ауданы әкімдігі тарапынан Шекербұлақ елді мекеніндегі арықты Жүйнек ауылдық округінің әкімдігінің коммуналдық меншігіне алу үшін Сауран аудандық жер комиссиясы мәжілісінің хаттамасы дайындалып, жерге орналыстыру іс құжаттары рәсімделуде.

Сөз соңында тиісті мекемелердің мамандары мен шаруалардың пікірлерін ескере келе, ағын суды тиімді пайланану мақсатында Түркістан облысының ауыл шаруашылығы басқармасына қарасты “Тұран Су” ШЖҚ МКК-нің теңгеріміне өткізу туралы шешім қабылданды.

Қуанышты хабарға риза болған шаруалар аудан әкімі мен ауыл шаруашылық басқарма басшысының орынбасарына және мәселені шешуге атсалысқан барлық мекемелерге өз алғысын білдірді.