Сауран ауданы әкімдігінің ішкі саясат бөлімінің «Жастар ресурстық орталығы» КММ-нің ұйымдастыруымен балалар жылына орай, отбасы мүшелерінің бойына рухани-адамгершілік құндылықтарын сіңіру, бірліктері мен ынтымақтастықтарын нығайту, салауатты өмір салтын қалыптастыру, ата-ана мен бала арасында отбасылық тәрбиені насихаттау, сенімділік, адамгершілік құндылықтарын дамыту мақсатында “Бала-өмір шырағы” атты толағай отбасылық сайысы өтті.
Сайыс Оранғай ауылы, “Самұрық Қазына” спорт кешенінде өтті. Спорттық доданы Сауран ауданы әкімдігінің ішкі саясат бөлімінің “Жастар Ресурстық Орталығы” КММ-нің басшысы А.Ералықызы ашып, сайысқа қатысушы отбасыларға сәттілік тіледі.
Сайыс төрт кезеңнен тұрды. Сайысқа 7 отбасы қатысты. Әр отбасы жеңіс мәресіне жету үшін бірнеше кезеңнен тұратын кедергілерден өтті, әділқазылар сайыстың шарттары бойынша қорытынды шығарып, Сауран ауданы әкімі Ғ.Құрмашұлының арнайы дипломдарымен марапаттады.
Жеңімпаздарға бағалы сыйлықтар мен медаль табысталды. ”Бектасовтар” отбасы 1-орынды иемденіп, “Қысқа толқынды пеш” сыйлыққа берілді. 2-орынға “Бижановтар” отбасы қол жеткізіп, “Ас үй пешін” сыйлыққа алды. Сондай-ақ 3-орын “Жүсіпәлілер” отбасына бұйырып, «Термопот” тарту етілді. Қалған отбасылар арнайы алғыс хаттармен марапатталды.
