Мемлекет басшысының тапсырмасы бойынша азық-түлік қауіпсіздігін қамтамасыз ету және әлеуметтік маңызы бар азық-түлік тауарларының бағасын әділ белгілеуді қалыптастыру қажет.
Осы орайда «AMANAT» партиясы жанынан құрылған Сауран ауданы бойынша азық-түлік тауарларының бағаларына сараптама жүргізу жөніндегі мониторингтiк жұмысшы тобы аудандағы бірнеше әмбебап дүкендерде болып, азық-түлік бағасының тұрақтылығына назар аударды. Сауран ауданындағы «Балтабай Ата», «Толқын-ата», «Жасмина» дүкендерінің азық-түлік бағаларын шегiнен асырылмауын қадағалап, мониторинг жұмыстарын жүргіздi.
Сауда орындары халыққа қажетті өнімдермен толық қамтылған. Рейд барысында тұрмысқа қажеттілігі маңызды тауарлар бекітілген баға көрсеткішімен салыстырылып, кәсіпкерлерге нарық бағасының негізсіз көтірілмеуі қадағалануы шарт екендігі ескертілді. Нақты айтқанда, заң бойынша кәсіпкерлер әлеуметтік маңызды азық-түліктің құнын өндірушінің сату бағасының немесе көтерме жеткізушінің сатып алу бағасының 15 пайызынан асырмауы тиіс.
Бағаны тұрақтандыру бағытындағы жұмыстар қазір аудан аумағында толықтай жүргізіліп жатыр. Ол үшін әр ауылдық округ әкімдігінің жанынан мобилді топтар құрылған. Олар күн сайын сауда орындарында бақылау жұмыстарын жүргізуде.
Айта кетейік, аталған жұмыстар алдағы уақытта да жалғасады.
